ეს დოკუმენტი მხოლოდ განაცხადად რომ არ დარჩეს, საჭიროა რეფორმები და კანონის უზენაესობა - ხატია დეკანოიძე

განაცხადი ხელმოწერილია - უკრაინის კვალდაკვალ, საქართველომ ევროკავშირს კანდიდატი ქვეყნის სტატუსის მოთხოვნით ოფიციალურად მიმართა. განაცხადი 2022 წლის 3 მარტით თარიღდება.

ოპოზიციაში ამბობენ, რომ აუცილებელია რეფორმების განხორციელებაც, წინააღმდეგ შემთხვევაში, განაცხადი განაცხადად დარჩება.

"ყველაზე მნიშვნელოვანია, ეს განაცხადი არ დარჩეს მხოლოდ განაცხადად. რეფორმები და, პირველ რიგში, ყველა ის მოთხოვნა, დაყენებული იყო თუნდაც ასოცირების ხელშეკრულებით და ასევე მიშელის დოკუმენტში, ეს არის თავისუფალი არჩევნები, კანონის უზენაესობა, სასამართლოს რეფორმა, არის უმნიშვნელოვანესი,"- აცხადებს "ნაციონალური მოძრაობის" წევრი ხატია დეკანოიძე.