ბატონ ლავროვთან როცა გვქონდა მოლაპარაკებები, მან გამოთქვა მოსაზრება, რომ ყველა ქვეყანას აქვს მოკავშირეების არჩევის თავისუფლება, მსურს, ეს დღეს რაღაცნაირად გავუხსენო - სალომე ზურაბიშვილი

მინდა, ბატონ ლავროვს გავახსენო, თავის დროზე როცა გვქონდა მოლაპარაკებები, მან გამოთქვა მოსაზრება, რომ ყველა ქვეყანას აქვს სრული თავისუფლება, სუვერენობიდან გამომდინარე აირჩიოს მოკავშირეები და თავისი ალიანსები, მსურს, რომ ეს დღეს რაღაცნაირად გავუხსენო, – ამის შესახებ საქართველოს პრეზიდენტმა, სალომე ზურაბიშვილმა მედიის წარმომადგენლებთან შეხვედრის დროს განაცხადა.

პრეზიდენტმა უკრაინასთან დაკავშირებით მისი პოზიციაც დააფიქსირა.

„უკრაინაში მიმდინარე მოვლენებზე ჩემი პოზიცია არის ცნობილი. მინდა, აქ გავახსენო ბატონ ლავროვს, როცა ჩვენ თავის დროზე გვქონდა მოლაპარაკებები, მან გამოთქვა მოსაზრება, რომ ყველა ქვეყანას აქვს სრული თავისუფლება, რომ თავისი სუვერენობიდან გამომდინარე აირჩიოს თავისი მოკავშირეები და თავისი ალიანსები. ეს მე მგონი, ძალიან კარგი საწყისი არის და მე მსურს, რომ ეს დღეს რაღაცნაირად გავუხსენო“, – განაცხადა ზურაბიშვილმა.