Video: რუსი მარადიორები ძარცვავენ და ესვრიან მანქანებს, რომლებიც სუმიდან გადიან, ორი ადგილობრივი ტყვედ აიყვანეს

რუსული საოკუპაციო ძალები ძარცვავენ და ესვრიან მანქანებს, რომლებიც სუმიდან გადიან. ამ ინფორმაციას სუმის რეგიონის ხელმძღვანელზე დაყრდნობით ადგილობრივი მედია ავრცელებს. 

როგორც გამოცემა წერს, რუსი სამხედროები ძარცვავენ და ხანდახან იმ უკრაინელი მშვიდობიანი მოქალაქეების კუთვნილი მანქანების მისამართით ცეცხლს ხსნიან, რომლებიც სუმს ტოვებენ.

ამის შესახებ სუმის რეგიონული სამხედრო ადმინისტრაციის ხელმძღვანელმა დიმიტრი ჟივიცკიმ განაცხადა და შესაბამისი ვიდეოც გამოაქვეყნა. 

მარშრუტი: კიევი-სუმი, სუმიდან არც თუ ისე შორს, დედაქალაქის მიმართულებით, 5 მარტი", - ამბობს ის. 

მან ასევე თქვა, რომ ჯერ კიდევ შეუძლებელი იყო სუმის, ახტირკას, ტროსტიანეცისა და ლებედინაის უსაფრთხოდ დატოვება.

ვიდეოში ჩანს, თუ როგორ დგანან გზაზე მანქანები და მიკროავტობუსები ღია საბარგულებითა და კარით, ირგვლივ მიმოფანტული სხვადასხვა ნივთებით და ტანსაცმლით. ირგვლივ კი ხალხი არ არის.

ვიდეოს ავტორი აღნიშნავს, რომ ყველა სატრანსპორტო საშუალების ბორბალი იჭრება ან ზიანდება.

ადგილობრივების თქმით, შემთხვევა სოფელში მოხდა. როდესაც რუსული მანქანების კოლონა გაჩერდა და დამპყრობლებმა მოძრავ მანქანებში საბურავების ჭრა დაიწყეს, ასევე ისინი ამ მანქანებს ძარცვავენ. 

"ორი ადამიანი ტყვედაც აიყვანეს, სხვა ადამიანების ბედი ჯერჯერობით უცნობია", - აცხადებენ სოფლის მცხოვრებლები.