უკრაინის შეიარაღებული ძალების გენშტაბის დღევანდელი ოპერატიული ანგარიში

უკრაინის შეიარაღებული ძალების გენერალური შტაბის დღევანდელი ოპერატიული ანგარიში დღის პირველი ნახევრისთვის ასეთი იყო:  

👉დამპყრობელთა ძირითადი ძალები ფოკუსირებულია შემდეგი ქალაქების აღებაზე: კიევი, ხარკოვი, ჩერნიგოვი, სუმი, მარიუპოლი, ნიკოლაევი. ასევე, ლუგანსკის და დონეცკის რეგიონების ადმინისტრაციულ საზღვრებამდე მიღწევაზე.

👉 არსებობს ბელორუსის ხელმძღვანელობის მზადყოფნის ნიშნები რუსეთის ფედერაციის მხრიდან უკრაინის წინააღმდეგ საომარ მოქმედებებში ბელორუსის რესპუბლიკის შეიარაღებული ძალების შესაძლო ფართომასშტაბიანი მონაწილეობის შესახებ. ქვედანაყოფები საბრძოლო მზადყოფნის უმაღლეს საფეხურებზეა გადაყვანილი. სამხედროების უმეტესობა ინფორმირებულია მოახლოებული მოქმედებების შესახებ და არ სურს ბრძოლა რუსეთის შეიარაღებული ძალების მხარეს.

👉მტერი ცდილობს ჩერნიგოვის დაბლოკვას.

👉 დამპყრობლები აგრძელებენ პონტონის გადასასვლელის აღდგენას და მალე ეცდებიან მდინარე დესნას გადაკვეთას.

👉გლუხოვის რაიონში მტერი ცდილობდა შეტევას. მცდელობა ჩაიშალა, შეტევა შეჩერდა.

👉 ხარკოვის რაიონში გამოუსწორებელი დანაკარგების გამო, საოკუპაციო ნაწილმა საბრძოლო ზონა დატოვა და დასახლებულ ტერიტორიაზე დაბრუნდა. ბელგოროდის რეგიონში, ნეხოტეევკაში საბრძოლო შესაძლებლობების აღდგენის ღონისძიებების განხორციელებას ცდილობენ.

👉დამპყრობლები უარს არ ამბობენ შეტევითი ოპერაციების ჩატარების გეგმას დნეპრისა და ზაპოროჟიეს მიმართულებით, რათა მიაღწიონ დონეცკის ოლქის ადმინისტრაციულ საზღვრებს. დასახლებულ ტერიტორიაზე წინსვლის წარუმატებელი მცდელობა დაფიქსირდა.მტერი ცდილობს დაიპყროს მარიუპოლი.