რუსებმა ღამით და დილით განხორციელებული მასირებული თავდასხმის დროს უკრაინის მიმართულებით დაახლოებით 36 რაკეტა და თითქმის 600 დრონი გაუშვეს - ზელენსკი

უკრაინის პრეზიდენტმა, ვოლოდიმირ ზელენსკიმ განაცხადა, რომ რუსებმა ღამით და დილით განხორციელებული მასირებული თავდასხმის დროს უკრაინის მიმართულებით დაახლოებით 36 რაკეტა და თითქმის 600 დრონი გაუშვეს.

„თავდასხმის მთავარი სამიზნეებია ენერგეტიკა და სამოქალაქო ობიექტები, საცხოვრებელ სახლებში ბევრი დაზიანება და ხანძარია. ამჟამინდელი მონაცემებით, ცნობილია ათობით დაჭრილისა და სამი დაღუპულის შესახებ“, - აღნიშნა უკრაინის პრეზიდენტმა.

მან ხაზგასმით აღნიშნა, რომ აუცილებელია მუშაობა საზენიტო სისტემებისთვის საკმარისი რაოდენობის რაკეტების უზრუნველყოფაზე - უკრაინის დასაცავად და რუსეთზე ზეწოლისთვის.