როგორც ჩანს, რუსეთი ამ მოლაპარაკებებს მედიის მოსაზიდად და თავისი პრეტენზიების გასახმოვანებლად იყენებს - ამირან სალუქვაძე

უკრაინის და რუსეთის საგარეო საქმეთა მინისტრების შეხვედრა დასრულდა. მხარეებმა ცეცხლის შეწყვეტის შეთანხმებას ვერ მიაღწიეს.

სამხედრო ექსპერტის, ამირან სალუქვაძის შეფასებით,  რუსეთი ამ მოლაპარაკებებს მედიის მოსაზიდად და თავისი პრეტენზიების გასახმოვანებლად იყენებს.

„ვერაფერზე თანხმდებიან. როგორც ჩანს, რუსეთი ამ მოლაპარაკებებს მედიის მოსაზიდად და თავისი პრეტენზიების გასახმოვანებლად იყენებს.

ორი დღე ატრიალეს ბიოლოგიური იარაღის თემა. ახლა აქედან გაახმოვანა. შემდეგი რაუნდი ალბათ რამდენიმე დღე მაინც ვეღარ ჩატარდება. ე.ი. ომი გრძელდება. მე არ მესმის, რატომ არ ერთვებიან მოლაპარაკებებში ევროპის ლიდერები?“, - წერს სალუქვაძე.