ჰაკერულმა დაჯგუფებამ Anonymus-მა რუსეთის რამდენიმე სამთავრობო საიტი გათიშა

ჰაკერულმა დაჯგუფებამ  Anonymus-მა რუსეთის სამთავრობო საიტები გათიშა. საუბარია - რუსეთის პრეზიდენტის ოფიციალურ საიტზე, მთავრობის, დუმის, ფედერაციის საბჭოსა და როსკომნადზორის (კომუნიკაციების, საინფორმაციო ტექნოლოგიებისა და მასობრივი კომუნიკაციების ზედამხედველობის ფედერალური სამსახური) საიტებზე.

"Anonymous-ს აქვს უწყვეტი ოპერაციები იმისათვის, რომ .ru-ს სამთავრობო ვებსაიტები გაითიშოს და ინფორმაცია მიაწოდოს რუს ხალხს, რომ მათ პუტინის სახელმწიფო ცენზურის მანქანისგან თავისუფლად ყოფნა შეუძლიათ. ჩვენ, ასევე, გვაქვს უწყვეტი ოპერაციები, რათა შევინარჩუნოთ უკრაინელი ხალხი ონლაინ რეჟიმში, როგორც შეგვიძლია", - წერს Anonymous-ი.