ბელგიაში დასაქმებულები მხოლოდ 4 დღე იმუშავებენ და შეუძლიათ არასამუშაო საათებში ხელმძღვანელების ზარებს არ უპასუხონ - ინოვაციური კანონპროექტი

ბელგიაში დასაქმებულებისთვის სამუშაო დღეების რაოდენობა მცირდება. ასევე დასაქმებულებს შეეძლებათ  სამუშაო საათების შემდეგ, გათიშონ ელექტრონული მოწყობილობები, ხოლო უფროსები ვერ შეძლებენ, მათ რაიმეს გაკეთება ზეგანაკვეთურად დაავალდებულონ. ამის შესახებ EuroNews-ი წერს.

ცვლილებათა პაკეტზე ბელგიაში ამ დროისთვის მუშობენ. 

„ჩვენ ორი რთული წელი გავიარეთ. ამ შეთანხმებით, ჩვენ შუქს ავუნთებთ ეკონომიკას, რომელიც ახლა უფრო ინოვაციური, მდგრადი და ციფრულია. ჩვენი მიზანია, შევძლოთ ხალხისა და ბიზნესის გაძლიერება“, - განაცხადა ბელგიის პრემიერ-მინისტრმა.

შესაძლოა, ცვლილებების ამოქმედებას რამდენიმე თვე დასჭირდეს, რადგან, მიღებამდე, კანონპროექტმა მრავალი მოსმენა უნდა გაიაროს.