არაჩვეულებრივი საუბარი მქონდა პრეზიდენტ დონალდ ტრამპთან, შევთანხმდით, რომ შევინარჩუნოთ მჭიდრო დიალოგი და გავაღრმაოთ ჩვენი თანამშრომლობა - ვოლოდიმირ ზელენსკი

არაჩვეულებრივი საუბარი მქონდა პრეზიდენტ დონალდ ტრამპთან და მას დიდი უპირატესობით ისტორიული გამარჯვება მივულოცე, ეს შედეგი შესაძლებელი მისმა გასაოცარმა წინასაარჩევნო კამპანიამ გახადა, – ამის შესახებ უკრაინის პრეზიდენტი ვოლოდიმირ ზელენსკი სოციალურ ქსელში წერს.

ზელენსკი აცხადებს, რომ დონალდ ტრამპთან მჭიდრო თანამშრომლობაზე შეთანხმდა.

„მე მისი ოჯახი და გუნდი დიდებულად შესრულებული სამუშაოსთვის შევაქე. ჩვენ შევთანხმდით, რომ შევინარჩუნოთ მჭიდრო დიალოგი და გავაღრმაოთ ჩვენი თანამშრომლობა. მსოფლიოსთვის და სამართლიანი მშვიდობისთვის სასიცოცხლოდ მნიშვნელოვანია აშშ-ის ძლიერი და შეუვალი ლიდერობა“, – წერს ზელენსკი.

I had an excellent call with President @realDonaldTrump and congratulated him on his historic landslide victory—his tremendous campaign made this result possible. I praised his family and team for their great work.

We agreed to maintain close dialogue and advance our…

— Volodymyr Zelenskyy / Володимир Зеленський (@ZelenskyyUa) November 6, 2024