სკოლის საპირფარეშოდან სარკეები ჩამოხსნეს, რათა მოსწავლეებმა TikTok ვიდეოების გადაღებაში დრო აღარ დახარჯონ (აშშ)

ამერიკაში სკოლის საპირფარეშოდან სარკეები ჩამოხსნეს, რათა მოსწავლეებმა TikTok ვიდეოების გადაღებაში დრო აღარ დახარჯონ. გადაწყვეტილება ჩრდილოეთ კაროლინაში მდებარე ერთ-ერთი საჯარო სკოლის დირექტორმა მიიღო.

როგორც სკოლის ადმინისტრაცია განმარტავს, ისინი მოსწავლეებს ხანგრძლივი დროის განმავლობაში აკვირდებოდნენ და შენიშნეს, რომ გაკვეთილებს შორის შესვენებებს მხოლოდ მოკლემეტრაჟიანი ვიდეოების გადასაღებად და შემდეგ TikTok-ზე განსათავსებლად იყენებდნენ.

სარკეების ჩამოხსნამდე სკოლამ მშობლებს მსგავსი შინაარსის წერილი მისწერა: “მოსწავლეები შესვენებებს, შეიძლება ითქვას, მთლიანად საპირფარეშოში ატარებენ. მათ შეწყვიტეს ერთმანეთთან კომუნიკაცია, სოციალიზაცია, რაც სკოლაში ყოფნისა და სოციალური უნარების განვითარების ერთ-ერთი უმნიშვნელოვანესი ასპექტია. ამიტომ ვწუხვართ, მაგრამ მათი კეთილდღეობისთვის აღნიშნული გადაწყვეტილება მივიღეთ”. 

როგორც ადმინისტრაცია განმარტავს, ეს იდეა არა მხოლოდ სოციალური და აკადემიური უნარების გაუმჯობესებას, არამედ მოსწავლეების უსაფრთხოებასაც მიემართება.

ასევე ნახეთ:

„სამყარო გაძლევთ შანსს, დაწინაურდეთ, შემოსავალი გაიზარდოთ და ოცნებები აისრულოთ“ - ნახეთ თუ ხართ ამ იღბლიანების სიაში

„გახსოვდეს, ფულს და ბედნიერებას სიჩუმე უყვარს“ – 2024 წლის ფინანსური პროგნოზი ზოდიაქოს ყველა ნიშნისთვის

„არ გაუშვათ შანსი ხელიდან“ - 2024 წლის მნიშვნელოვანი თარიღები