შეერთებული შტატებისა და უკრაინის დელეგაციების შეხვედრა კვირას ფლორიდაში გაიმართება, მასში მონაწილეობას რუბიო მიიღებს - მედია

აშშ-ის სახელმწიფო მდივანი მარკო რუბიო და დონალდ ტრამპის სპეციალური წარმომადგენელი სტივ უიტკოფი უკრაინის დელეგაციას ფლორიდაში კვირას შეხვდებიან - დელეგაციები ვაშინგტონის სამშვიდობო გეგმას განიხილავენ.

მედიის ინფორმაციით, შეხვედრაში მონაწილეობას მიიღებს ტრამპის სიძე ჯარედ კუშნერიც.

ასევე მედიით ვრცელდებოდა ინფორმაცია, რომ აშშ-ის პრეზიდენტმა თავისი სპეციალური წარმომადგენელი სტივ უიტკოფი და სიძე ჯარედ კუშნერი გააგზავნა მოსკოვში, რათა მათ რუსეთის პრეზიდენტთან, ვლადიმერ პუტინთან გაეჟღერებინათ წინადადება, რომ შეერთებული შტატები მზად არის აღიაროს რუსეთის კონტროლი ყირიმსა და უკრაინის სხვა ოკუპირებულ ტერიტორიებზე, ომის შეწყვეტის შესახებ შეთანხმების მისაღწევად.

მარკო რუბიო ასევე მონაწილეობდა უკრაინის დელეგაციასთან კონსულტაციებში, რომელიც გასულ კვირას ჟენევაში გაიმართა.