1734207713
93 წლის ქალს კვირების განმავლობაში სახლის ქვეშ კაკუნის ხმები ესმოდა. როდესაც ქალმა ამის შესახებ ოჯახს შეატყობინა, მათ თქვეს, რომ სარდაფში ცხოველები იქნებოდნენ. თუმცა, ადგილზე მისულმა პოლიციამ სულ სხვა რამ აღმოაჩინა.
ყველას გასაკვირად, სახლის ქვეშ შიშველი მამაკაცი იპოვეს. პოლიცია ცდილობდა დაერწმუნებინა იგი, რომ გამოსულიყო სივრციდან.
პოლიციამ შეძლო პიროვნების იდენტიფიცირება. ის 27 წლის მამაკაცი იყო.
„მან უარი თქვა წასვლაზე და სარდაფში დარჩენა სურდა. უცნაური რამ არის, მაგრამ ალბათ არც ისე იშვიათია, რომ ამ დროში ადამიანები თავშესაფარს ეძებენ“,- განაცხადა ოჯახის ერთ-ერთმა წევრმა.
პოლიციის გამოძახების მიუხედავად, მამაკაცი სარდაფიდან არ გამოდიოდა, ამიტომ სამართალდამცველებს მოუწიათ ცრემლსადენი გაზის გამოყენება.
უცნობია, დაასახელა თუ არა კაცმა სახლის ქვეშ ყოფნის მიზეზი.
ასევე გაურკვეველია, რამდენ ხანს იმყოფებოდა იგი სახლის ქვეშ. ოჯახი ეჭვობს, რომ მამაკაცი სარდაფში დაახლოებით 6 თვის განმავლობაში იმყოფებოდა.
ცნობისთვის, სახლის ქვეშ არსებული სივრცე მხოლოდ ნახევარი მეტრის სიმაღლისაა და გადაჭიმულია მთელი სახლის სტრუქტურის ქვეშ.
