პიტ ჰეგსეთი აცხადებს, რომ მხარს უჭერს კარიბის აუზში ნარკოტიკებით მოვაჭრეების ნავებზე თავდასხმებს

აშშ-ის ომის მდივანი პიტ ჰეგსეთი აცხადებს, რომ მხარს უჭერს კარიბის აუზში ნარკოტიკებით მოვაჭრეების ნავებზე თავდასხმებს. ჰეგსეთის მტკიცებით, ერთ-ერთ ნავზე ორმაგი დარტყმის დროს მას ბრძანება არ გაუცია, თუმცა იმ დროს მხარს უჭერდა ამ გადაწყვეტილებას და დღესაც მხარს უჭერს.

კარიბის აუზში სექტემბრის შემდეგ დაწყებულ აშშ-ის სამხედრო ოპერაციას 83 ადამიანი ემსხვერპლა.

„მე სრულად ვუჭერ მხარს ამ დარტყმას. მეც იმავე გადაწყვეტილებას მივიღებდი. მათ, ვინც ერაყსა და ავღანეთში ან სხვაგან 20-წლიან კონფლიქტში იყო ჩართული, იციან, რომ ბრძოლის ველზე მებრძოლების წინააღმდეგ მეორადი თავდასხმები და მეორადი დარტყმები ხშირად ხდება. ამ კონკრეტულ შემთხვევაში ეს ადმირალ ბრედლის, წარმოუდგენელი ამერიკელისა და ამერიკელი გმირის უფლებამოსილების ფარგლებში იყო. მას შემდეგ 22 ან 23 დარტყმა მსგავსი პროტოკოლის მიხედვით განხორციელდა, რათა უზრუნველყოფილიყო კრიტერიუმების დაკმაყოფილება. გადაწყვეტილება ჩემს დონეზე აღარ არის“, – განაცხადა პიტ ჰეგსეთმა.