ნენსი რეიგანი ჯონ ტრავოლტას მიუახლოვდა და უთხრა, რომ უელსის პრინცესას მასთან ცეკვა სურდა - დიანა კი სხვა ცნობილ მამაკაცთან ცეკვაზე ოცნებობდა - ლეგენდარული ცეკვის გაუხმაურებელი დეტალები

პრინცესა დიანას და ჯონ ტრავოლტას საოცარი ცეკვა თეთრ სახლში მიღებაზე, შევიდა ისტორიაში და გახდა ერთ-ერთი ყველაზე ნათელი მომენტი როგორც ლედი სპენსერის, ასევე ცნობილი მსახიობის ცხოვრებაში. თუმცა, ყველამ არ იცის, რომ დიანას სურდა, რომ საცეკვაო მოედანზე მისი პარტნიორი ყოფილიყო სულ სხვა ცნობილი მამაკაცი...
1985 წელს პრინცესა დიანა და მისი მეუღლე პრინცი ჩარლზი გაემგზავრნენ ოფიციალურ ტურნეში ჩრდილოეთ ამერიკაში. პრეზიდენტმა რონალდ რეიგანმა წყვილი თეთრ სახლში მიიწვია მიღებაზე.

საღამოზე სამეფო წყვილის გარდა ბევრი ცნობილი სახე იყო, მათ შორის კლინტ ისტვუდი, ტომ სელეკი, ჯონ ტრავოლტა, ესტე ლაუდერი და სხვა ვარსკვლავები. ისინი ამბობენ, რომ რეიგანებმა რამდენიმე სტუმარი მიიწვიეს უელსის პრინცესას დაჟინებული თხოვნით, რომელსაც სურდა მათთან პირადად კომუნიკაცია.

გალა ვახშმის შემდეგ შეკრებილები წასვლას არ ჩქარობდნენ - მიღება გვიან ღამემდე გაგრძელდა. 

როგორი იყო სინამდვილეში ყველაფერი
როდესაც ნენსი რეიგანი ჯონ ტრავოლტას მიუახლოვდა და უთხრა, რომ უელსის პრინცესას მასთან ცეკვა სურდა, ის იტყუებოდა. ეს იყო არა უელსის პრინცესას, არამედ თავად პირველი ლედის და მისი მეუღლის სურვილი, რომლებმაც მოაწყვეს ეს ცეკვა პრესისთვის.

პრინცესა დიანას ყოფილმა ბატლერმა, პოლ ბურელმა თავის წიგნში The Way We Were, დაწერა, რომ პრინცესა დიანა, რომელიც მიდიოდა თეთრ სახლში, მიღებაზე, სინამდვილეში ოცნებობდა ეცეკვა ცნობილ ბალეტის მოცეკვავე მიხაილ ბარიშნიკოვთან.

დიანა ბალეტის დიდი მოყვარული იყო და უყვარდა ცეკვა, ამიტომ ბარიშნიკოვი ნამდვილად იზიდავდა მას.

იმის მიუხედავად, რომ მას არ სურდა ტრავოლტასთან ცეკვა, ეს ცეკვა გახდა ჩარლზთან ერთად მისი ჩრდილოეთ ამერიკის ტურნეს ერთ-ერთი მთავარი მოვლენა.

ეს ზღაპარს ჰგავს

საცეკვაო მოედანზე შესვლამდე რამდენიმე წუთით ადრე, პრინცესა დიანა ძალიან განერვიულდა, როგორც ჯონ ტრავოლტა იხსენებდა მრავალი წლის შემდეგ.

„ხელი ზურგზე დავადე, ხელი ჩამოვწიე ისე, რომ არც ისე მაღლა ყოფილიყო და დავრწმუნდი, რომ ჩვენ ამას შევძლებდით“, - თქვა მან. მსახიობისთვის პრინცესა დიანასთან ცეკვა ჯადოსნური იყო, რომელიც არასოდეს დაავიწყდება: „ეს ყველაფერი სიზმარივით იყო. მივუახლოვდი, მხარზე ვეხები და საცეკვაოდ ვპატიჟებ. ის შემობრუნდება და ჩემს დანახვაზე მომხიბვლელელად იღიმის, შემდეგ კი ჩემს მოწვევას იღებს. ერთად ვცეკვავდით, თითქოს ზღაპარში იყო. ვინ იფიქრებდა, რომ ერთ დღესაც მსგავსი რამ დამემართებოდა? საკმარისად ჭკვიანი ვიყავი, რომ ეს ჩემს მეხსიერებაში ჩამეწერა, როგორც განსაკუთრებული, ჯადოსნური მომენტი“. 

მოგვიანებით ტრავოლტამ თქვა, რომ პრინცესა დიანასთან ცეკვამ ფაქტობრივად გადაარჩინა მისი კარიერა. „ჩემით არავინ დაინტერესებულა. მაგრამ უცებ გავხდი ადამიანი, რომელიც მნიშვნელოვანი იყო პრინცესა დიანისთვის ამერიკაში“.

როდესაც ტრავოლტას ინტერვიუში ჰკითხეს მრავალი წლის შემდეგ, თუ რომელ მომენტს დააბრუნებდა 1980-იანი წლებიდან, თუ ეს შესაძლებელი იქნებოდა, მან თქვა, რომ ეს იქნებოდა მისი ცეკვა პრინცესა დიანასთან თეთრ სახლში.