მოსკოვში დააკავეს ჟურნალისტები, რომლებიც რუსი სამხედროების ცოლების აქციას აშუქებდნენ

მოსკოვში დააკავეს ჟურნალისტები, რომლებიც სამხედროების ცოლების მიერ მოწყობილ აქციას აშუქებდნენ. ინფორმაციას გამოცემა "მედუზა" ავრცელებს.

გამოცემის ცნობით, აქცია "გზა სახლისკენ" სამხედროების ცოლებმა კრემლის კედლებთან მობილიზაციის გამოცხადებიდან მე-500 დღის აღსანიშნავად გაიმართა. მომიტინგეები მოსკოვში, ალექსანდრეს ბაღში უცნობი ჯარისკაცის საფლავზე თეთრი შარფებით შეიკრიბნენ და მარადიული ცეცხლი ყვავილებით შეამკეს.

გავრცელდა ინფორმაცია, რომ Beware-ის, News-ის, Sota.Vision-ის, Kommersant-ის, France Press-ის, Spiegel-ის თანამშრომლები, ასევე მოძრაობა "ადამიანის უფლებებისთვის" უფლებადამცველები პოლიციამ კიტაი-გოროდის პოლიციის განყოფილებაში გადაიყვანა. ასევე, პოლიციამ, პუტინის საარჩევნო შტაბში პოკროვკაზე, კიდევ 7 ჟურნალისტი დააკავა, რომლებიც აქციას აშუქებდნენ.