მარკო რუბიო: არავისთვისაა კარგი, რომ რაიმე საკითხში 90%-ით ერთ ქვეყანაზე ან ერთ ეკონომიკაზე იყოს დამოკიდებული

აშშ-ის სახელმწიფო მდივანმა, მარკო რუბიომ კრიტიკული მიწოდების ჯაჭვების უსაფრთხოებაზე ისაუბრა და ხაზი გაუსვა ერთი ქვეყნის ეკონომიკაზე გადაჭარბებული დამოკიდებულების რისკებს.

მისი თქმით, ეს საკითხი არა მხოლოდ პოლიტიკურ, არამედ ობიექტურ ეკონომიკურ რეალობას წარმოადგენს.

„არავისთვისაა კარგი, რომ რაიმე საკითხში 90%-ით ერთ ქვეყანაზე ან ერთ ეკონომიკაზე იყოს დამოკიდებული, განსაკუთრებით ისეთ რამეში, როგორიც კრიტიკული მიწოდების ჯაჭვებია. ეს რეალობაა.

ჩვენ გვსურს მიწოდების ჯაჭვების დივერსიფიცირება მთელ მსოფლიოში. ამის შესახებ მკაფიოდ განვაცხადეთ.

ეს არ არის ანტი-ჩინური საკითხი. ეს უბრალოდ იმის რეალობაა, რომ ერთ წყაროზე ზედმეტი დამოკიდებულება არ არის კარგი, განსაკუთრებით მაშინ, როდესაც წარსულში არსებობდა ამის ერთმანეთის წინააღმდეგ ბერკეტად გამოყენების მზაობა“, - აღნიშნა აშშ-ის სახელმწიფო მდივანმა.