Louis Vuitton-მა საბავშვო კოლექცია წარადგინა, რომელშიც სათამაშო დათუნია 1085 დოლარი ღირს

Louis Vuitton-მა საშობაოდ საბავშვო კოლექცია წარადგინა. ამის შესახებ Daily Mail-ი წერს.

გამოცემის ინფორმაციით, კოლექციაში შედის როგორც ტანსაცმელი და აქსესუარები, ასევე სათამაშოები. თუმცა ბევრი მოდის ფრანგულ სახლს ნივთების ფასის გამო აკრიტიკებს. მაგალითად, სათამაშო დათუნია ახალი კოლექციიდან 1 085 დოლარი ღირს, ვერცხლის საჩხარუნო კი 1 415 დოლარი.

კოლექციის ყველაზე ძვირად ღირებული ობიექტი კი კარადაა, რომელიც Louis Vuitton-ის ჩანთის სტილშია შესრულებული და 7 576 დოლარი ღირს.

ამასთან, გამოცემა აღნიშნავს, რომ მაღალი მოთხოვნის გამო, ინტერნეტმაღაზიაში საჩხარუნოს ყიდვა უკვე შეუძლებელია.

ასევე ნახეთ:

„სირცხვილი და ქაჯობაა ნარკოტიკის რომანტიზება... დავიწყოთ საგანგაშო რეალობაზე ლაპარაკი!“ - ნესტან ნენე კვინიკაძე

VIDEO: „დედაჩემი იყო მთავარი მხსნელი” - გურამ შეროზიას ემოციური ინტერვიუ დედაზე