კაცი 53 წელი თავს უსინათლოდ ასაღებდა, რათა ინვალიდობის შემწეობა მიეღო - მან მილიონ ევროზე მეტი თანხა დააგროვა

70 წლის იტალიელ მამაკაცს ბრალი ედება იმაში, რომ თავს სრულიად უსინათლოდ ასაღებდა, რის შედეგადაც მან ინვალიდობის შემწეობის სახით ერთ მილიონ ევროზე მეტი (1,16 მილიონი აშშ დოლარი) შეაგროვა.

როგორც უცხოური მედია წერს, ბოლო შემოწმების დროს ფინანსურ პოლიციას მამაკაცში ეჭვი შეეპარა, ამიტომ მისი თვალყურის დევნება გადაწყვიტეს. ასე დააფიქსირეს, როგორ ასრულებდა ის მებაღეობის სამუშაოებს საშიში ხელსაწყოებით და ფრთხილად ამოწმებდა პროდუქტებს ბაზარზე ყიდვამდე.

ოფიცრების მამაკაცს 2 თვეზე მეტი ხნის განმავლობაში აკვირდებოდნენ და მიჰყვებოდნენ, აგროვებდნენ მტკიცებულებებს, რომ ის ბრმა არ იყო. ფაქტების დადასტურების შემდეგ, პროკურატურამ მას ბრალი წაუყენა იტალიის სახელმწიფოს წინააღმდეგ თაღლითობისთვის.

გამოძიების შემდეგ, ფინანსურმა პოლიციამ კომპეტენტურ ორგანოებს აცნობა ყველა სოციალური უზრუნველყოფის შეღავათების დაუყოვნებლივ შეჩერების შესახებ. ასევე, საგადასახადო აუდიტის სამსახურმა უკანონო შემოსავლის 200 000 ევროზე მეტი დაბეგრა, რაც ბრალდებულების მიერ ბოლო ხუთი წლის განმავლობაში უკანონოდ მიღებული შემოსავლის ეკვივალენტური.