ირანმა უნდა შეწყვიტოს იემენელი ჰუსიტებისთვის იარაღისა და სადაზვერვო მონაცემების მიწოდება - კემერონი

დიდი ბრიტანეთის საგარეო საქმეთა მინისტრმა, დევიდ კემერონმა განაცხადა, რომ ირანმა უნდა შეწყვიტოს იემენელი ჰუსიტებისთვის იარაღისა და სადაზვერვო მონაცემების მიწოდება.

დევიდ კემერონმა ხაზგასმით აღნიშნა, რომ ირანმა უნდა გამოიყენოს თავისი გავლენა წითელ ზღვაში ჰუსიტების თავდასხმების შესაჩერებლად.

"ირანმა ასევე უნდა შეწყვიტოს რეგიონული სიტუაციის უგუნური ქმედებებისა და სხვა ქვეყნების სუვერენიტეტის დარღვევის საფარად გამოყენება", - დასძინა მან.