გერმანიის თავდაცვის მინისტრი პოლონეთში Patriot-ის საჰაერო თავდაცვის სისტემების განლაგების ინიციატივით გამოვიდა

გერმანიის თავდაცვის მინისტრი ბორის პისტორიუსი პოლონეთში Patriot-ის ტიპის საჰაერო თავდაცვის სისტემების განლაგების ინიციატივით გამოვიდა. ინფორმაციას Reuters-ი ავრცელებს.

პისტორიუსის თქმით, ამით ლოგისტიკური კვანძის დაცვა გახდება შესაძლებელი, საიდანაც უკრაინას დასავლური იარაღი მიეწოდება.

გეგმის მიხედვით, პოლონეთში Patriot-ების 3 ბატარეა ახალი წლიდან უნდა განლაგდეს. პისტორიუსის გეგმას მიესალმება პოლონეთის თავდაცვის მინისტრი ვლადისლავ კოსინიაკ-კამიში.