გერმანიის „ქრისტიან - დემოკრატიული კავშირის“ ლიდერი დონალდ ტრამპის ინაუგურაციამდე ვადამდელი საპარლამენტო არჩევნების ჩატარების მოწოდებით გამოდის

გერმანიის „ქრისტიან-დემოკრატიული კავშირის“ ლიდერი, ფრიდრიხ მერცი დონალდ ტრამპის ინაუგურაციამდე ვადამდელი საპარლამენტო არჩევნების ჩატარების მოწოდებით გამოდის.

მერცი, რომლის კონსერვატიული კავშირი ლიდერობს გამოკითხვებში, მიიჩნევს, რომ გერმანიაში ახალი არჩევნების ჩატარება შესაძლებელია ორ-თვენახევარში.

„2025 წლის 20 იანვარს, ორშაბათს, ამერიკის ახალი მთავრობა მუშაობას დაიწყებს. გერმანიაში ახალი არჩევნები შესაძლოა 19 იანვარს ჩატარდეს“, - განაცხადა მერცმა.

გერმანიაში პოლიტიკური კრიზისი 6 ნოემბერს დაიწყო, როდესაც ოლაფ შოლცმა ფინანსთა მინისტრის, კრისტიან ლინდნერის გადაყენება გადაწყვიტა.