გადარჩენის რა შანსები აქვთ, ჯერ კიდევ ნანგრევებში მყოფ ცოცხალ ადამიანებს და რამდენ ხანს შეუძლიათ, გაძლონ იქ - რას ამბობს ექსპერტი

ნანგრევების ქვეშ მოხვედრის შემდეგ გადარჩენის შანსები დამოკიდებულია ავარიის შედეგად მიღებულ ზიანზე, ასევე გარე ფაქტორებზე. ამის შესახებ გადარჩენის ინსტრუქტორმა, უსაფრთხოების ექსპერტმა განმარტება გააკეთა.

ექსპერტის თქმით, თუ ჩამონგრევისას ადამიანი სერიოზულად არ დაშავდა, კიდურები მთელი აქვს და და საშიში დაზიანებები არ არის, მაშინ ამ შემთხვევაში არის შანსი, რომ ნანგრევების ქვეშ იცხოვროს დაახლოებით ორი კვირა.

და მსგავსი შემთხვევები მომხდარა რეალურად. შემდგომი სიცოცხლე დამოკიდებულია ექიმების მიერ რეაბილიტაციის სისწორეზე. - ამბობს ექსპერტი.

მან აღნიშნა, რომ თავისი ფიზიოლოგიის საშუალებით, ადამიანს შეუძლია საკვების გარეშე იცხოვროს მინიმუმ ორი-სამი კვირა, ხოლო წყლის გარეშე - მხოლოდ ექვსი დღე.

„ფაქტობრივად, თუ ნანგრევების ქვეშ ჟანგბადის შემოდინება გაქვს და სხეულის ნაწილები არ არის დაზიანებული, მაშინ ამ პოზაში საკმაოდ დიდი დროის გატარება შეგიძლია“. 

ნანგრევების ქვეშ ადამიანების საპოვნელად, შემთხვევის ადგილზე ჯერ კინოლოგები მუშაობენ.

უსაფრთხოების ექსპერტი განმარტავს, შეუძლია თუ არა წარმოქმნილ ბუნკერს ადამიანის გადარჩენა

„სპეციალისტები დადიან ტერიტორიაზე, სწავლობენ ყველა სივრცეს იმ იმედით, რომ გაიგონებენ ნანგრევებში დარჩენილთა ხმებს და ცოცხლებს ნახავენ. ისინი უსმენენ ნებისმიერ კაკუნს, შრიალსა და ხმას. 

როდესაც ადამიანს პოულობენ, იწყებენ მასთან კომუნიკაციას: ამისთვის ნანგრევებს შორის კეთდება ვიწრო გვირაბი, რათა დაზარალებულს წყალი და წამლები გადასცენ. ასევე, ადამიანს მიეწოდება გლუკოზის ხსნარი მისი მდგომარეობის შესანარჩუნებლად.

შემდეგ კი ნანგრევების საგულდაგულო ​​ანალიზი იწყება, მისი გადარჩენისა და შემდგომი ჰოსპიტალიზაციისთვის.