FIFA-მ თურქეთისა და სირიის დასახმარებლად $1 მილიონი გამოყო

FIFA-მ თურქეთსა და სირიაში მომხდარი დამანგრეველი მიწისძვრების შედეგად დაზარალებული ადამიანებისთვის ჰუმანიტარული დახმარების გასაწევად 1 მილიონი აშშ დოლარი გამოყო. ინფორმაციას უცხოური მედია ავრცელებს. 

მსოფლიო ფეხბურთის მმართველი ორგანოს განაცხადებით, მან კონსულტაციები თურქეთის ფეხბურთის ფედერაციასთან (TFF) და სირიის ფეხბურთის ასოციაციასთან (SFA), ასევე „საერთაშორისო და ადგილობრივ არასამთავრობო ორგანიზაციებთან“ გაიარა.

„დახმარება გამოყენებული იქნება ჰუმანიტარული ნივთების შესაძენად, ასევე გადაუდებელი და დროებითი თავშესაფრისა და მოსახლეობის დაცვის უზრუნველსაყოფად“, – ნათქვამია FIFA-ს განცხადებაში. გარდა ამისა, ორგანიზაცია აღნიშნავს, რომ ის TFF-თან და SFA-სთან კომუნიკაციას გააგრძელებს და შემდგომი მოქმედებებისთვის გადაწყვეტილებებს მიიღებს.