ძლიერი სიცხის გამო, სამი ქვეყნის მოსახლეობის ნაწილი შუქის გარეშეა - მიზეზი ელექტროენერგიის ჭარბი მოხმარებაა

მონტენეგროს, ბოსნიისა და ხორვატიის მოსახლეობა ელექტროენერგიის გარეშე დარჩა. მიზეზი ძლიერი სიცხეებია. ჰაერის ტემპერატურამ ბალკანეთზე 40 გრადუსს გადააჭარბა. ენერგიის ჭარბი მოხმარების გამო ელექტროქსელები გადაიტვირთა, რის შედეგადაც სარაევოს, პოდგორიცას და რამდენიმე დიდ ქალაქს ელექტრო ენერგიის მიწოდება შეუწყდა.

ყველაზე დიდი პრობლემები სარაევოში შეიქმნა, სადაც უშუქობამ სატრანსპორტო კოლაფსი გამოიწვია.