პირველად მსოფლიოში, ალცჰაიმერის დიაგნოზი 19 წლის ადამიანს დაუსვეს - რას ამბობენ მეცნიერები

ჩინეთიდან 19 წლის მამაკაცს ალცჰაიმერის დიაგნოზი დაუსვეს. მამაკაცი ყველაზე ახალგაზრდა ადამიანია, რომელსაც მსგავსი დიაგნოზი დაუსვეს. ამ შემთხვევამდე, ყველაზე ახალგაზრდა პაციენტი 21 წლის იყო. ამის შესახებ კვლევა გამოქვეყნდა ჟურნალში „ალცჰაიმერის დაავადების შესახებ“.

ჩინეთში მეხსიერების კლინიკის ნევროლოგებმა გამორიცხეს სხვა მიზეზები, რამაც შეიძლება გამოიწვიოს პაციენტის შემეცნებითი უკმარისობა და მივიდნენ დასკვნამდე, რომ იგი აკმაყოფილებდა ალცჰაიმერის დაავადების „სავარაუდო" დიაგნოსტიკურ კრიტერიუმებს.

დასკვნამ შეიძლება შეცვალოს აღქმა, რომ კოგნიტური გაუფასურება ახალგაზრდებში იშვიათად ხდება, იტყობინება South China Morning Post.

„ეს არის ყველაზე ახალგაზრდა შემთხვევა, რომელიც აკმაყოფილებს სავარაუდო [ალცჰეიმერის დაავადების] დიაგნოსტიკურ კრიტერიუმებს აღიარებული გენეტიკური მუტაციების გარეშე“,- თქვეს ავტორებმა.

პაციენტს სიმპტომები დიაგნოზის დასმამდე ორი წლით ადრე დაეწყო. კვლევის მიხედვით, მას არ ახსოვდა რა მოხდა წინა დღეს ან სად ინახებოდა მისი ნივთები. მას კითხვაც უჭირდა და მისი რეაქციებიც დაგვიანებული იყო.

დიაგნოზის გამო მან ადამიანმა საბოლოოდ მიატოვა საშუალო სკოლა, რადგან ვერ ასრულებდა საშინაო დავალებას, არ ახსოვდა როდის უნდა ეჭამა და ხშირად კარგავდა პირად ნივთებს. 

„ეს შემთხვევა ყურადღებას ამახვილებს დემენციის ჰეტეროგენულ ბუნებაზე, რომელიც შეიძლება ჩაერთოს ნებისმიერ ასაკში“, - თქვა კვლევის ერთ-ერთმა ავტორმა.