სპეციალისტები ასახელებენ როდიდან დაიწყება ინფიცირების კლება საქართველოში

რა დასკვნებს აკეთებენ ეპიდემიოლოგები და რას უნდა ველოდოთ "ომიკრონის" ტალღისგან - სპეციალისტები თვლიან, რომ თებერვალი საკმაოდ საყურადღებო პერიოდად რჩება და იმედოვნებენ, რომ ინფიცირებულთა კლება გაზაფხულიდან დაიწყება.

მათივე ინფორმაციით, დაკვირვების შედეგად აშკარაა, თუ რა კატეგორიის მოქალაქეები მძიმდებიან და იღუპებიან უმეტესად - ესენი არავაქცინირებული, ქრონიკული დაავადებების მქონე პაციენტები არიან. შესაბამისად მედიკოსები კიდევ ერთხელ მოუწოდებენ განსაკუთრებით რისკჯგუფში შემავალ პირებს - რაც შეიძლება მალე მიმართონ სამედიცინო პუნქტებს და ჩაიტარონ ვაქცინაცია.

ჯანდაცვის ექსპერტის, მედიცინის აკადემიური დოქტორი მაკა ბულეიშვილის თქმით, ხშირ შემთხვევაში ინფიცირებული პაციენტები იზოლაციის წესებს არღვევენ, რაც პანდემიის მიმდინარეობას კიდევ უფრო ართულებს.