მაკარევიჩი

1669470840

ცნობილი რუსი მუსიკოსი მაკარევიჩი უცხოური აგენტების სიაში შეიყვანეს

ცნობილი რუსი მომღერალი და კომპოზიტორი, როკჯგუფის „მაშინა ვრემენის“ სოლისტი ანდრეი მაკარევიჩი უცხოური აგენტების სიაში შეიყვანეს. ამის შესახებ „ეხო კავკაზა“ იუწყება.როგორც მუსიკოსის ადვოკატმა ალექსანდრე პერედრუკმა განაცხადა, მაკარევიჩი ამ სიაში საკუთარი გამონათქვამების გამო შეიყვანეს.„ანდრეი მაკარევიჩს არანაირი უცხოური დაფინანსება არა აქვს, მაგრამ მას სხვა მიზეზები აღმოუჩინეს. რადგანაც უცხოურ გამოცემებს აძლევდა ინტერვიუებს, ეს „უცხოურ გავლენად“ შეფასდა. თითქოს ამ გამოცემებმა მას საკუთარი აზრის გასავრცელებლად პლატფორმა მისცეს“, – განაცხადა მაკარევიჩის ადვოკატმა ალექსანდრე პერედრუკმაწესი, რომლის მიხედვით უცხოურ აგენტად პირს გამოაცხადებენ, რომელიც „უცხოური გავლენის “ქვეშ იმყოფება, 1 დეკემბრიდან ამოქმედდება.მაკარევიჩმა უკრაინელ ჟურნალისტს დიმიტრი გორდონს მიმდინარე წლის მარტში მისცა ინტერვიუ და იქ უკრაინაში მიმდინარე ომზე საკუთარი ნეგატიური პოზიცია დააფიქსირა.  

ციხე

1669469040

„ეკლესიაში როგორ გაბედეს ეს... უმკაცრესი სასჯელით უნდა დაისაჯონ“ - მონაზონზე განხორციელებულ ძალადობას ადგილობრივები ეხმაურებიან

ხაშურში მონაზონზე განხორციელებულ ძალადობას ადგილობრივები ეხმაურებიან. როგორც ისინი აცხადებენ, დამნაშავეები უმკაცრესად უნდა დაისაჯონ.„როგორ შეიძლება, ეკლესიაში როგორ გაბედეს და როგორ გააკეთეს ეს, დახვრეტას იმსახურებენ. არ შეიძლება ასე. მეც მოხუცი ვარ და 74 წლის ვარ და ე.ი. მეც ასე უნდა მომექცეს ახალგაზრდობა? არ შეიძლება ასე“, - ამბობს ადგილობრივი."ძალიან კარგი ადამიანი იყო და მთელ სოფელს ემსახურებოდა. ლოცულობდა დღე და ღამე. უმკაცრესი სასჯელით უნდა დაისაჯონ. მაგნაირმა როგორ უნდა იცოცხლოს და როგორ უნდა იარსებოს არ ვიცი“, - ამბობს ხაშურის მკვიდრი.არსებული ინფორმაციით, ხანში შესული ქალის ჯანმრთელობის მდგომარეობა მძიმეა. მონაზონს უცხო პირები ფიზიკურად გუშინ საღამოს გაუსწორდნენ.შემთხვევა სოფელ ცხრამუხაში გუშინ მოხდა.მომხდარზე დაკავებულია 27 და 39 წლის ორი ახალგაზრდა მამაკაცი. პოლიციამ გამოძიება გაუპატიურებისა და ყაჩაღობის მუხლით დაიწყო.

მექსიკა

1669463315

მექსიკის ყურეში გადაარჩინეს კაცი, რომელიც წყალში 15 საათზე მეტი ხნის განმავლობაში იყო

მექსიკის ყურეში გადაარჩინეს კაცი, რომელიც წყალში 15 საათზე მეტი ხნის განმავლობაში იყო განმავლობაში იყო. ამის შესახებ BBC წერს. ახალგაზრდა კაცი ლუიზიანას სანაპიროდან დაახლოებით 20 მილის დაშორებით იპოვეს. ამ ეტაპზე უცნობია, როგორ ჩავარდა კაცი წყალში. მისი ჯანმრთელობის მდგომარეობა სტაბილურია.აშშ-ის სანაპირო დაცვის ლეიტენანტმა სეთ გროსმა ახალგაზრდა კაცის გადარჩენას „მადლიერების დღის ერთ-ერთი სასწაული“ უწოდა. 

კრემლი

1669462425

„როგორი ჭკუათმყოფელი უნდა იყო, ეს რომ ჩაატარო“ - მოსკოვში ქართული კულტურის დღეების გამართვა იგეგმება

11-იდან 13 დეკემბრის ჩათვლით მოსკოვში დიდი ღონისძიებები „ქართული კულტურის დღეების“ გამართვა იგეგმება. ინფორმაციას გვერდი kartvelebi.ru ავრცელებს. ორგანიზატორი რუსეთში მცხოვრები ქართველების გაერთიანება, „ქართული ეროვნულ-კულტურული ავტონომიაა“.„კულტურის პალატის“ თავმჯდომარე დავით ოქიტაშვილი „პრაიმტაიმთან" აცხადებს, რომ საქართველოს კულტურის დღეების გამოყენების უფლება, კულტურის სამინისტროსთან შეთანხმების გარეშე, არავის არ უნდა ჰქონდეს. „როგორი ჭკუათმყოფელი უნდა იყო, რომ ასეთი რამ ჩაატარო. მე დარწმუნებული ვარ, რომ ანალოგიური რეაქცია ექნება ნებისმიერ ქართველს. დღეს, ამ სიტუაციაში, რომ აზრად მოგივიდეს ჩაატარო კულტურის დღეები, წარმოუდგენელი ამბავია. ვიცი, რომ სახელმწიფო, კულტურის სამინისტრო და კულტურის პალატა არაფერ შუაში არ არის. რაღაც კანონი უნდა იყოს შემოღებული, რადგან საქართველოს კულტურის დღეების გამოყენების უფლება, კულტურის სამინისტროსთან შეთანხმების გარეშე, არავის ჰქონდეს, ეს არის ამაზრზენი", - განაცხადა ოქიტაშვილმა. გავრცელებული ინფორმაციით, ქართული კულტურის დღეების ფარგლებში გაიმართება კონფერენცია მიგრაციისა და ტრანსპორტის საკითხებზე, ქართული დიასპორის ასოციაციების ხელმძღვანელების შეხვედრები, ასევე გამოფენები, ქართული კულინარიის მასტერკლასები და ლექციები.„ქართული კულტურის დღეების“ აღნიშვნა 13 დეკემბერს დიდ საკონცერტო დარბაზში გრანდიოზული კონცერტით დასრულდება, რომელშიც მონაწილეობას მიიღებენ ქართული წარმოშობის არტისტები, ასევე იქნებიან ქორეოგრაფიული ჯგუფები.ღონისძიებებში მონაწილეობას მიიღებენ ყველა ფედერალური ეროვნულ-კულტურული ავტონომიის და და ხელისუფლების წარმომადგენლები. „ქართული კულტურის დღეები“ გაიმართება სხვადასხვა ლოკაციებზე, როგორიცაა მოსკოვის ნაციონალური სახლი, რუსეთის ხალხთა სახლი და სხვა. დამატებითი დეტალები ღონისძიების შესახებ 1-ელი დეკემბრიდან ტელეგრამ არხზე ეტაპობრივად გამოქვეყნდება“ - ნათქვამია გაერთიანება, „ქართული ეროვნულ-კულტურული ავტონომიის“ მიერ გავრცელებულ განცხადებაში.

ხაბეიშვილი

1669459320

ვიქნები „ნაცმოძრაობის“ რიგითი წევრი, თუ ამას გადაწყვეტს ამომრჩეველი - ლევან ხაბეიშვილი

„ნაციონალური მოძრაობის“ თავმჯდომარეობის კანდიდატი, დეპუტატი ლევან ხაბეიშვილი აცხადებს, რომ იქნება პარტიის რიგითი წევრი, თუ ამას ამომრჩეველი გადაწყვეტს.  „ცხადია, ვიქნები „ნაცმოძრაობის“ რიგითი წევრი, თუ ამას გადაწყვეტს ამომრჩეველი. ამაში ვერანაირ პრობლემას ვერ ვხედავ. მე, როცა სჭირდებოდა საქმეს, ვიყავი კომისიის წევრი, დამკვირვებელიც, პარტიის წარმომადგენელიც, შესაბამისად, ეს პრობლემა არაა, თუმცა დარწმუნებული ვარ გამარჯვებაში. გამორიცხულია, „ნაცმოძრაობა“ გაიყოს ორად“, - განაცხადა ხაბეიშვილმა.

irakli

1669457321

სულ ის გვქონდა ქართველებს „საბლატაო", რომ ქალებს ხელის გულზე ვატარებთ კაცები... - ირაკლი ლატარია

ექსპერტი ირაკლი ლატარია სოციალურ ქსელში ქალთა მიმართ ძალადობის საკითხსა და მონასტერში 70 წლის მონაზვნის გაუპატიურების ფაქტს ეხმაურება."ეს რეები ხდება?თითქოს სულ ის გვქონდა ქართველებს ,,საბლატაო", რომ ქალებს ხელის გულზე ვატარებთ კაცები თქო... მთელი მსოფლიოს ქალები ვინც გაგვიცნობდნენ, შურით ივსებოდნენ იმ ფაქტით, რომ ქართველი კაცისთვის განსაკუთრებული იყო ქალის ფენომენი და ქალთან ურთიერთობა...უკრაინაში რომ ვცხოვრობდი, ყველა ქალი ვისაც ვიცნობდი ქმრებს ეჩხუბებოდნენ, რატომ არ გევხართ ქართველ კაცებსო?და ამ ყველაფრის ფონზე რეები ხდება?70 წლის მონაზონი გააუპატიურესო, გავგიჟდები მალე..", - წერს ლატარია.შეგახსენებთ, რომ ცხრამუხის დედათა მონასტერში 70 წლის მონაზონზე იძალადეს.შსს-მ ცხელ კვალზე 2 პირი დააკავა. ჯგუფურად ჩადენილი ყაჩაღობისა და გაუპატიურების ფაქტებზე გამოძიება საქართველოს სისხლის სამართლის კოდექსის 179-ე მუხლის მე-2 და სსკ-ის 137-ე მუხლის მე-3 ნაწილებით მიმდინარეობს.

ამინდიი

1669448228

თოვლი, ქარი, წვიმა, წყალდიდობა - ამინდი მკვეთრად გაუარესდება!

გარემოს ეროვნული სააგენტოს ინფორმაციით, 26 ნოემბერს დღის ბოლოდან 27 ნოემბრის დღის ბოლომდე საქართველოში, ძირითადად ქვეყნის დასავლეთ ნაწილში, მოსალოდნელია წვიმა, ზოგან ძლიერი, დასავლეთის მიმართულების ძლიერი ქარი, ზღვაზე 3-4 ბალიანი შტორმული ღელვა, მაღალმთიან რეგიონებში თოვლი.მოსალოდნელმა ძლიერმა ნალექებმა შესაძლებელია დასავლეთ საქართველოს მდინარეებზე წყლის დონეების მნიშვნელოვანი მატება, ხოლო მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს.

ვლადიმერ პუტინი

1669445940

რუსეთს „გულწრფელად" ჰქონდა დონბასის უკრაინასთან გაერთიანების იმედი - პუტინი

რუსეთის პრეზიდენტი ვლადიმერ პუტინი ირწმუნება, რომ რუსეთს "გულწრფელად" ჰქონდა დონბასის უკრაინასთან გაერთიანების იმედი, - ამის შესახებ ინფორმაციას რუსული სამთავრობო მედია ТАСС ავრცელებს.„2014 წელთან დაკავშირებით, რა თქმა უნდა, ჩვენ ყველანი ჭკვიანები ვართ, მაგრამ ვივარაუდეთ, რომ შესაძლოა, შეთანხმების მიღწევა შესაძლებელი იქნებოდა და ლუგანსკი და დონეცკი როგორმე შეძლებდნენ უკრაინასთან გაერთიანებას მინსკის ფარგლებში. ჩვენ გულწრფელად წავედით ამისთვის, მაგრამ ხალხის განწყობა ბოლომდე არ ვიგრძენით, შეუძლებელი იყო იმის გაგება, რა ხდებოდა იქ", - ამბობს პუტინიაგრესორი ქვეყნის პრეზიდენტის თქმით, ახლა უკვე აშკარა გახდა, რომ რუსეთის ფედერაციის „გაერთიანება" დონბასთან ადრე უნდა მომხდარიყო.

დმიტრო კულება

1669444758

„ნუ ცდილობთ დაგვარწმუნოთ, რომ შეიძლება, დავმარცხდეთ“ - დმიტრო კულება

„როგორი ერთგულებიც არ უნდა იყვნენ ჩვენი პარტნიორები, და ამას ჩვენ ძალიან ვაფასებთ, სწორედ უკრაინა იხდის ამ ომში ყველაზე დიდ ფასს. ამ მსხვერპლს პატივი უნდა სცენ. დახმარება გსურთ? დაგვეხმარეთ, მაგრამ ნუ ცდილობთ დაგვარწმუნოთ იმაში, რომ შეიძლება დავმარცხდეთ. არ ვიცი ისტორიის არცერთი მაგალითი, როდესაც პესიმისტებმა ომში გაიმარჯვეს", - ამის შესახებ უკრაინის საგარეო საქმეთა მინისტრმა, დმიტრო კულებამ Le Parisien-თან ინტერვიუში განაცხადა.„რამდენიმე წარჩინებულ გენერალს ატლანტის ოკეანეს გადაღმა და ევროპაში მტკიცედ სჯეროდა, რომ რუსეთი მაქსიმუმ ერთ კვირაში კიევის ოკუპაციას მოახდენდა და უკრაინაზე კონტროლს დაამყარებდა. ამიტომ, ახლა, როდესაც პესიმისტური შეფასებები მესმის, ყველას ვთხოვ მიმართოს საკუთარი ენერგია იმაზე, რომ გამარჯვებას შეუწყოს ხელი, და არ ეძებოს შესაძლო წარუმატებლობების მიზეზები.როგორი ერთგულებიც არ უნდა იყვნენ ჩვენი პარტნიორები, და ამას ჩვენ ძალიან ვაფასებთ, სწორედ უკრაინა იხდის ამ ომში ყველაზე დიდ ფასს. ამ მსხვერპლს პატივი უნდა სცენ. დახმარება გსურთ? დაგვეხმარეთ, მაგრამ ნუ ცდილობთ დაგვარწმუნოთ იმაში, რომ შეიძლება დავმარცხდეთ. არ ვიცი ისტორიის არცერთი მაგალითი, როდესაც პესიმისტებმა ომში გაიმარჯვეს“, - განაცხადა კულებამ.

vladimer putini

1669443480

„პირობას ვდებ, სამხედროების ცხელი კერძებით უზრუნველყოფის პრობლემა მოგვარდება“ - პუტინი

რუსეთის პრეზიდენტმა ვლადიმერ პუტინმა პირობა დადო, რომ უკრაინაში ფრონტის ხაზზე მყოფი სამხედრო მოსამსახურეებისთვის ცხელი კერძების მიწოდების პრობლემა მოგვარდება.„სამხედროებისთვის ფრონტის ხაზზე ცხელ საჭმლის მიწოდება ძირითადად მოგვარებულია, თუმცა ამ საკითხზე მხოლოდ იმის თქმა, რომ ყველაფერი კარგადაა, არასწორია, მაშასადამე, ყველაფერი კარგად არ არის, ვნახოთ, რა შეიძლება გაკეთდეს. პირობას ვდებ, რომ სამხედროების ცხელი კერძებით უზრუნველყოფის პრობლემა მოგვარდება“, - განაცხადა პუტინმა.

მარინა ენდელაძე

1669430707

„ვირუსით უფრო ბავშვები ინფიცირდებიან... საჭიროა ყურადღება“ -  რას ამბობს მარინა ენდელაძე ქვეყანაში გავრცელებულ რესპირაციულ ვირუსებზე 

ბოლო პერიოდში, კორონავირუსის გარდა, საქართველოში სხვა რესპირაციული ვირუსების შემთხვევები ფიქსირდება. არსებული ვითარება აჩვენებს, რომ ამჟამად ქვეყანაში  ვირუსით უფრო ბავშვები ინფიცირდებიან. როგორც ინფექციური საავადმყოფოს ბოქსირებული განყოფილების ხელმძღვანელი მარინა ენდელაძე "პრაიმტაიმთან" აცხადებს, ამჟამად აღნიშნული ფაქტი ნამდვილად ფიქსირდება, თუმცა ქვეყანაში პანდემიური სახის ახალი ვირუსი არ არსებობს„ქვეყანაში ახალი ვირუსი, ჯერჯერობით, გავრცელებული არ არის. კოვიდი ისევ არის, თუმცა რაოდენობრივად ჭარბობს სხვა რესპირატორული ვირუსები და პლუს გრიპი. ახლა ბავშვების მომართვიანობა მეტია, მაგრამ რასაც ჰქვია პანდემიური ახალი ვირუსი, ქვეყანაში არ არსებობს.წინ წლებში არ იყო მასიურად გავრცელებული რესპირაციული ვირუსები, რადგან კოვიდის დროს ვიცავდით თავს, ახლა ასე აღარ ხდება და ადამიანებში რესპირატორული ვირუსები უფრო მეტად გავრცელებულია. ამ პირობებში, პირველ რიგში, აუცილებლად ყველამ ჰიგიენაზე იზრუნოს, საუბარია ხელების დაბანაზე, პირბადის ტარებაზე, კარგ კვებაზე და ა.შ“,- განაცხადა ენდელაძემ.ენდელაძეს ე.წ. ჰონგ-კონგის ვირუსის შესახებაც ვკითხეთ, რომელიც ბავშვებში ვრცელდება, როგორც მან გვითხრა, აღნიშნული ვირუსი საყურადღებოა, რადგან მისმა მიმდინარეობამ გამწვავება არ გამოიწვიოს.აღსანიშნავია, რომ H3N2 ე.წ. ჰონგ-კონგის ვირუსის გარდა, ქვეყნის შიგნით ცირკულირებს H1N1 - ე.წ. ღორის და მცირე რაოდენობით სეზონური გრიპი. სპეციალისტები პიკს დეკემბრის ბოლოს-იანვრის დასაწყისში ელოდებიან.

პესკოვი

1669393919

ეს სხვა არაფერია, თუ არა რუსეთის ტერიტორიების გასხვისების განხილვა - დიმიტრი პესკოვი ყირიმზე

რუსეთის პრეზიდენტის პრესმდივნის, დმიტრი პესკოვის განცხადებით, რუსეთი ყირიმს არ დათმობს. „თქვენ იცით და პრეზიდენტმა ამაზე არაერთხელ ისაუბრა, სპეცოპერაციის დაწყებამდე. უკრაინის კონსტიტუციაში ნათქვამია, რომ ყირიმი უკრაინას ძალით უნდა დაუბრუნდეს. და დე ფაქტო უკრაინას ამაზე უარი არ უთქვამს, ჩვენთვის ეს სხვა არაფერია, თუ არა რუსეთის ფედერაციის ტერიტორიების გასხვისების თემის განხილვა, აქ სხვა გაგება არ შეიძლება, ამაზე საუბარი არ შეიძლება“, - განაცხადა პესკოვმა.მანამდე, უკრაინის პრეზიდენტმა, ვოლოდიმირ ზელენსკიმ ისაუბრა თავის მზადყოფნაზე, გადაწყვიტოს ყირიმის ბედი არასამხედრო გზით.