სალომე კაპანაძე
1663863566
ამოქმედდა აპლიკაცია, რომელიც დაცულ ტერიტორიებზე უსაფრთხოდ გადაადგილებაში დაგეხმარებათ
მობილური აპლიკაცია Parks.ge უკვე ამოქმედებულია. აპლიკაცია მომხმარებლებს ქვეყნის ეროვნულ პარკებში უსაფრთხოდ მოგზაურობაში დაეხმარება.აპლიკაცია დაცული ტერიტორიების სააგენტომ ტურიზმის სექტორს წარუდგინა.მასში შეტანილია საქართველოს დაცულ ტერიტორიებზე არსებული ბილიკები, შესაბამისი ინფორმაციით.
1663627015
სოციალური ქსელის მომხმარებელი, ნათია სალაძე პატარა გოგოს შესახებ ემოციური ინფორმაციას ავრცელებს, რომელიც ხელნაკეთ სამკაულებს ყიდის.მისი თქმით, პატარა გოგოს დედა არ ჰყავს და ამ გზით ოჯახის რჩენაში მის უფროსს ძმას ეხმარება.„10 წლის პატარა business lady დიღომში ონლაინ ყიდის თავის ნახელავ მძივებს... დედა არ ყოლია სამი დედმამიშვილიდან უფროსი ძმა არის სრულწლოვანი და ლილე მას ეხმარება ოჯახის რჩენაში. გული გამითბა... კი არ მომიკვდა, გამითბა გული __ პატარა ქალი, უკვე დიდი ადამიანია. დაურეკეთ ვინც თბილისში ხართ და შეუკვეთეთ ნახელავი, ნაჩუქარი არაფერი უნდა, ბიზნესს აკეთებს ეს მათი ნომერია“, - წერს ნატა სალაძე სოციალურ ქსელში.
1663612842
20 სექტემბრის ამინდის პროგნოზი
20 სექტემბრის მეტეოროლოგიური პროგნოზი საქართველოს ქალაქებში:თბილისი - ღამით +20°, დღისით +31°, შესაძლებელია ხანმოკლე წვიმა ელჭექით.სოხუმი - ღამით +20°, დღისით +26°, ხანმოკლე წვიმა და ელჭექი.ბათუმი - ღამით +22°, დღისით +27°, დღის მეორე ნახევარში შესაძლებელია ხანმოკლე წვიმა და ელჭექი.ფოთი - ღამით +23°, დღისით +28°, უმეტესად უნალექოდ.ზუგდიდი - ღამით +21°, დღისით კი +29°, უმეტესად უნალექოდ.ქუთაისი - ღამით +21°, დღისით +30°, უმეტესად უნალექოდ.მესტია - ღამით +8°, დღისით +20°, ხანმოკლე წვიმა და ელჭექი.გორი - ღამით +19°, დღისით +31°, უმეტესად უნალექოდ.ბორჯომი - ღამით +12°, დღისით კი +30°, უმეტესად უნალექოდ.ახალციხე - ღამით +11°, დღისით კი +30°, დღის მეორე ნახევარში შესაძლებელია ხანმოკლე წვიმა და ელჭექი.ცხინვალი - ღამით +18°, დღისით +30°, უმეტესად უნალექოდ.რუსთავი - ღამით +21°, დღისით +31°, შესაძლებელია ხანმოკლე წვიმა ელჭექით.თელავი - ღამით +19°, დღისით კი +28°, ხანმოკლე წვიმა და ელჭექი.ლაგოდეხი - ღამით +19°, დღისით +33°, უმეტესად უნალექოდ.სიღნაღი - ღამით +13°, დღისით კი +28°, უმეტესად უნალექოდ.ცაგერი - ღამით +13°, დღისით კი +28°, ხანმოკლე წვიმა და ელჭექი.ბახმარო - ღამით +8°, დღისით +20°, დღის მეორე ნახევარში შესაძლებელია ხანმოკლე წვიმა და ელჭექი.
1663351542
აიკრძალება თუ არა საქართველოში ძველი ავტომობილების იმპორტი - ნახეთ სამინისტროს სპეციალური განცხადება
„ევრო 5“ სტანდარტის ქვემოთ ავტომობილების იმპორტის შეზღუდვასთან დაკავშირებით, საზოგადოებაში არსებული გაურკვევლობიდან გამომდინარე, გარემოს დაცვისა და სოფლის მეურნეობის სამინისტრო დამატებით განმარტებას აკეთებს.უწყების ცნობით, მსგავსი შეზღუდვის შემოღების შესახებ საუბარი ნაადრევია, რადგან საქართველოში აღნიშნული სტანდარტის დადგენის პროცესი საწყის ეტაპზეა.„უნდა აღინიშნოს, რომ ამჟამად არ არის განსაზღვრული არც რეგულაციების ამოქმედების თარიღი. მას შემდეგ რაც საკითხი იქნება სრულყოფილად დამუშავებული, მოხდება მისი ფართოდ განხილვა ყველა დაინტერესებულ მხარესთან. კანონმდებლობის მიღების შემდეგ კი, კანონმდებლობა მხოლოდ გარკვეული პერიოდის შემდგომ ამოქმედდება. ეს ამ სექტორში მომუშავე პირებსა და სახელმწიფოს საშუალებას მისცემს, მოემზადოს სამომავლო რეგულაციის უმტკივნეულოდ შესასრულებლად. შესაბამისი კვლევის საფუძველზე დადგინდა, რომ დღეს საქართველოში შესაძლებელია ემისიის ევრო 5 სტანდარტის შემოღება. აღსანიშნავია, რომ ევროკავშირში მსგავსი რეგულაცია 2013 წლიდან მოქმედებს და ავტომობილების ემისიის სტანდარტები ასევე ყველა ჩვენს მეზობელ ქვეყანაშია დანერგილი. ევროპული სტანდარტების გათვალისწინებით, შეიძლება ხაზგასმით აღინიშნოს, რომ სამომავლოდ, მსგავსი რეგულაციების შემოღებისას, შეზღუდვები არ შეეხება ტრანზიტულ ავტომობილებს და პრაქტიკულად არ შეაფერხებს ავტომობილების სამომავლო ვაჭრობის საკითხებს. ასევე, რეგულაცია არ შეეხება ქვეყანაში არსებულ ავტოპარკს, ისევე როგორც ეს ხდება ყველა ევროპულ ქვეყანაში“, - აღნიშნულია უწყების მიერ გავრცელებულ განცხადებაში.ცნობისთვის, რამდენიმე დღის წინ მედიაში გავრცელდა ინფორმაცია, რომ შესაძლოა, ქვეყანაში ძველი ავტომობილების იმპორტი აიკრძალოს.
1663351101
VIDEO: მოუსვენარი დათვის ბელი ლაგოდეხში
მოუსვენარი დათვის ბელი ლაგოდეხის დაცული ტერიტორიების ფოტოხაფანგმა გამოიჭირა.ვიდეოს სოციალურ ქსელში დაცული ტერიტორიების სააგენტო ავრცელებს.
1663273031
ცნობისმოყვარე შველი ლაგოდეხის დაცული ტერიტორიიდან
ცნობისმოყვარე შველი ფოტოხაფანგს ინტერესით აკვირდება. ფოტოხაფანგმა შველი ლაგოდეხის დაცულ ტერიტორიაზე გამოიჭირა.
1663270648
თბილისში, ავარიისას სამი ადამიანი დაშავდა
თბილისში, ,,ჰუალინგთან" მომხდარი ავტოსაგზაო შემთხვევის შედეგად, 3 ადამიანი დაშავდა.დაშავებულები სასწრაფო სამედიცინო დახმარების ჯგუფმა „ოპტიმალ მედიში“ გადაიყვანა.როგორც კლინიკაში „პრაიმტაიმს“ განუცხადეს, ყველა დაშავებულები გონზეა და მათ ამ წუთებში გამოკვლევები უტარდებათ.მომხდართან დაკავშირებით დაწყებულია გამოძიება.
1663259469
აშშ-მა კადიროვს სანქციები დაუწესა
ამერიკის შეერთებულმა შტატებმა კადიროვისა და მისი ოჯახის წინააღმდეგ სანქციები დააწესა. ამის შესახებ ინფორმაცია აშშ-ის სახაზინო დეპარტამენტმა გამოაქვეყნა.ახალ სიაში ასევე შეიყვანეს ბავშვთა ომბუდსმენი მარია ლვოვა-ბელოვა და რუსეთის პრეზიდენტის თანაშემწე მაქსიმ ორეშკინი.ჩეჩნეთის ხელმძღვანელმა დღეს უკრაინაში ომის გასაგრძელებლად "თვითმობილიზაციის" აუცილებლობის შესახებ განაცხადა. რაც, მისი აზრით, რუსეთის ფედერაციის შემადგენელი სუბიექტების ხელმძღვანელებმა უნდა მოაწყონ."მიმაჩნია, რომ რეგიონის თითოეულ ლიდერს შეუძლია მოამზადოს, გაწვრთნას და დააკომპლექტოს მინიმუმ ათასი მოხალისე. ერთი სუბიექტისთვის, ეს არც ისე დიდი რიცხვია... მაგრამ ეროვნული მასშტაბით, ეს არის 85 ათასი ადამიანისგან შემდგარი შთამბეჭდავი სამხედრო კონტინგენტი - თითქმის არმია!" - განაცხადა რამზან კადიროვმა.
1663254723
სამუხის ველზე, ფრინველებზე ნადირობა დროებით აიკრძალა
გარემოს დაცვისა და სოფლის მეურნეობის მინისტრის ბრძანებით, დედოფლისწყაროს მუნიციპალიტეტის ტერიტორიაზე მდებარე სამუხის ველზე, გადამფრენ ფრინველებზე ნადირობა დროებით აიკრძალა.„აღსანიშნავია, რომ ჯეირანის აღდგენის პროექტის განხორციელებას სერიოზულ საფრთხეს უქმნის სამუხის ველზე გადამფრენ ფრინველებზე ნადირობა. სროლის ხმა აფრთხობს ქურციკებს, რაც მათი ქცევის შეცვლას იწვევს – გაშლილი ტერიტორიებიდან ინაცვლებს ტყე-ბუჩქნარიან ადგილებზე თავშესაფრის მოძიების და დამალვის მიზნით. შესაბამისად, ადვილი მოსანადირებელი ხდება მგლებისთვის.აღნიშნულის გათვალისწინებით, დედოფლისწყაროს მუნიციპალიტეტში, ვაშლოვანის დაცულ ტერიტორიების საზღვარსა და საქართველო-აზერბაიჯანის სახელმწიფო საზღვარს შორის არსებულ სამუხის ველზე, 2023 წლის პირველ მარტამდე, გადამფრენ ფრინველებზე ნადირობა იკრძალება“, – ნათქვამია გავრცელებულ ინფორმაციაში.
1663003169
დედოფლის გარდაცვალების შემდეგ, ვინ იზრუნებს სამეფო ძაღლებზე
დედოფლის გარდაცვალების შემდეგ, ელისაბედ II-ს კორგებზე პრინცი ენდრიუ და მისი ყოფილი ცოლი სარა ფერგიუსონი იზრუნებენ.სამეფო ოჯახთან დაახლოებულმა პირმა ამის შესახებ BBC-თან ინტერვიუში განაცხადა.გაერთიანებული სამეფოს დედოფალი ელისაბედ II ცნობილი იყო შინაური ცხოველებისადმი სიყვარულით, მისი ფავორიტი ოთხფეხა მეგობარი კი, უელსური კორგის ჯიშის იყო.ელისაბედს ცხოვრების სხვადასხვა ეტაპზე 30-ზე მეტი ძაღლი ჰყავდა.
1662748866
დიდი ბრიტანეთის მეფემ მოსახლეობას მონარქის რანგში პირველად მიმართა
დიდი ბრიტანეთის მეფემ ჩარლზ მესამემ მოსახლეობას მონარქის რანგში პირველად მიმართა. მან პატივი მიაგო დედოფალ ელისაბედ მეორის ხსოვნას.„დღეს მე თქვენ ღრმა მწუხარებით მოგმართავთ. მთელი თავისი ცხოვრების მანძილზე, მისი უდიდებულესობა დედოფალი - ჩემი საყვარელი დედა - შთაგონება და მაგალითი იყო ჩემთვის და მთელი ჩემი ოჯახისთვის. ჩვენ მისი ყველაზე გულწრფელი ვალი გვმართებს, რომელიც ნებისმიერ ოჯახს შეიძლება ჰქონდეს საკუთარი დედის მიმართ, მისი სიყვარულისთვის, წინამძღოლობისთვის, გაგებისა და მაგალითისთვის", - აღნიშნა ახალმა მონარქმა.ჩარლზ მესამემ საზეიმოდ დადო პირობა, რომ დარჩენილ სიცოცხლის მანძილზე, დაიცავს ქვეყნის კონსტიტუციურ პრინციპებს.ამასთან, მეფე ჩარლზმა მისი ვაჟს უილიამს უელსის პრინცობა უბოძა. მანვე სიყვარული გამოხატა, მეორე ვაჟის, პრინც ჰარისა და მისი მეუღლის, მეგანის მიმართ.
1662743680
სისხლიანი გარჩევა ისანში - დაჭრილია მამაკაცი
ისნის რაიონში, ყვარელის ქუჩაზე კაცი დაჭრეს. როგორც თვითმხილველმა „პრაიმტაიმს“ განუცხადა, კაცი რამდენიმე პირმა დაჭრა და ადგილიდან ავტომობილით მიიმალნენ.დაჭრილი სასწრაფო სამედიცინო დახმარების ეკიპაჟმა საავადმყოფოში გადაიყვანა. მისი ჯანმრთელობის მდგომარეობის შესახებ ინფორმაცია ჯერჯერობით უცნობია.წინასწარი ინფორმაციით, დაჭრილი ადგილობრივია.ადგილზე იმყოფებიან სამართალდამცველები. „პრაიმტაიმი“ დამატებით ინფორმაციას შინაგან საქმეთა სამინისტროში არკვევს.
