ტაბლოიდი • 1713962760

„ქმარიც და შვილიც ძალიან მანებივრებენ, ოჯახში ნამდვილი დედოფალი ვარ!“ - სალომე ბაკურაძის ოჯახური ამბები

მომღერალი სალომე ბაკურაძე ის ადამიანია, რომელიც ყველგან და ყოველთვის, დადებით ენერგეტიკას, სითბოსა და სიხალისეს ასხივებს. ფაქტია, სალომეს არაჩვეულებრივი ოჯახი აქვს, სიმპათიური ქმარი – ლაშა ბასლანძე და უსაყვარლესი შვილი – სანტი, რომლებიც მას ანებივრებენ და თავს ნამდვილ დედოფლად აგრძობინებენ.გთავაზობთ ამონარიდს ინტერვიუდან, რომელიც მასთან „თბილისელებმა“ ჩაწერა:– ამბობენ, ყველა წარმატებული ქალის უკან, ძლიერი მამაკაცი დგასო. ამ აზრს ეთანხმები?– არ მომწონს, როცა დიფერენცირებას ახდენენ, ქალს სჭირდება მამაკაციო... მამაკაცსაც ისევე სჭირდება ქალის იმედად და კედლად ყოფნა, როგორც ქალს მამაკაცის. ქალიცა და მამაკაციც უნდა ცდილობდნენ, ერთმანეთის საყრდენი იყვნენ.– მოულოდნელი სიურპრიზებით თუ განებივრებს ლაშა?– ლაშიკოს ძალიან უყვარს საჩუქრების გაკეთება. უყვარს ადამიანების გახარება და ამისთვის მას კონკრეტული თარიღები არ სჭირდება. არ დამავიწყდება, საყურე, რომელზეც ვთქვი: რა ლამაზია-მეთქი, მეორე დღესვე მომიტანა. მითხრა: რა დაელოდებოდა შენს დაბადების დღეს, ახლა მოგეწონა და ახლა გიყიდეო. მოკლედ, ჩემს ცხოვრებაში არის ორი მთავარი მამაკაცი, ქმარიც და შვილიც ძალიან მანებივრებენ, ოჯახში ნამდვილი დედოფალი ვარ! (იცინის).

მსოფლიო • 1713962280

მაკრონმა მომდევნო 10 წელიწადში მილიარდი ხის დარგვის პირობა დადო

საფრანგეთის პრეზიდენტმა, ემანუელ მაკრონმა მომდევნო 10 წელიწადში ერთი მილიარდი ხის დარგვის პირობა დადო. გარემოსდამცველები კი აცხადებენ, რომ ეს პროგრამა დასახულ მიზანს ვერ მიაღწევს და ბიომრავალფეროვნების უზრუნველყოფა ვერ მოხერხდება. ამის შესახებ „ევრაქტივი“ წერს.ემანუელ მაკრონის გეგმის თანახმად, საფრანგეთში არსებობს 1,5-1,7 ჰექტრის ფართობის ტყის მასივი, რომელიც განახლებას დაექვემდებარება.საფრანგეთის სოფლის მეურნეობის მინისტრის თქმით, ამ დრომდე ბიუჯეტიდან გამოყოფილი თანხებით უკვე დარგეს 67 მილიონზე მეტი ხე. სახელმწიფო და კერძო სატყეო მეურნეობები პროგრამის ფარგლებში, 2024 წელს  250 მილიონ ევროს მიიღებენ.თუმცა, ექსპერტების ნაწილი აცხადებს, რომ საფრანგეთის პრეზიდენტის გეგმა შესაძლოა, არ იყოს ქმედითი, რადგან კომერციული მიზნებით გამოყვანილი ხეების გავლენა კლიმატსა და ბიომრავალფეროვნებაზე კომპლექსურია.მათი თქმით, ისეთი კომერციული პრაქტიკა, რა დროსაც ერთი და იმავე სახეობის ხის დარგვა ხდება და ამავე ტერიტორიაზე სხვა ხეები იჩეხება, ბიომრავალფეროვნებაზე ცუდ გავლენას ახდენს.საპასუხოდ, საფრანგეთის სოფლის მეურნეობის სამინისტროში აცხადებენ, რომ ხეების გაჩეხა პარაზიტების გავრცელების თავიდან ასაცილებლად ხდება და მათ ნაცვლად დაირგვება იმ სახეობის ხეები, რომლებიც კლიმატის ცვლილებებთან უფრო ადვილად ადაპტირდებიან.

ჯანდაცვა • 1713961782

ჯანდაცვის სექტორის გაძლიერებისთვის საქართველო ADB-სგან 2024 წელს, დაახლოებით, 23.2 მლნ ევროს მიიღებს

საქართველოსა და აზიის განვითარების ბანკს (ADB) შორის გაფორმდა სასესხო შეთანხმება ჯანდაცვის სექტორის გაძლიერების პროგრამის თაობაზე.დოკუმენტს ხელი მოაწერეს საქართველოს ფინანსთა მინისტრმა, ლაშა ხუციშვილმა და აზიის განვითარების ბანკის საქართველოს მუდმივი წარმომადგენლობის დირექტორმა, ლესლი ბეარმან ლამმა.ბანკის მიერ, ჯამში, გამოყოფილი იქნება ფინანსური რესურსი 46,275,000 ევროს ოდენობით. სასესხო შეთანხმებით 2024 წელს გათვალისწინებულია პირველი ტრანშის - 23,137,500 ევროს ჩამორიცხვა, ხოლო მეორე ტრანშის მიღება იგეგმება 2025 წელს. პროგრამით გათვალისწინებულია პირველადი ჯანდაცვის, სპეციალიზებული ამბულატორიული მოვლისა და დიაგნოსტიკური სერვისებისთვის მოსახლეობისთვის შეთავაზებული შეღავათების გაზრდა და ფინანსური ხელმისაწვდომობის ბარიერების შემცირება, მომსახურების მიწოდების გაუმჯობესება მომსახურების ყველა დონეზე, ციფრული საინფორმაციო სისტემების გაუმჯობესება, რომელიც საჭიროა ჯანდაცვის პროგრამებისა და ჯანდაცვის სექტორზე სახელმწიფო ხარჯების უფრო ეფექტურად მართვისთვის,  მმართველობის გაუმჯობესებასა და გაწეული მომსახურების ხარისხის ანგარიშვალდებულება.

საზოგადოება • 1713961620

ჰაერის ტემპერატურა სეზონურ ნორმებს აღემატება - კობა ფარტენაძის უახლოესი დღეების მეტეროლოგიური პროგნოზი

მეტეოროლოგი, კობა ფარტენაძე, საზოგადოებას ტემპერატურის მატებასთან დაკავშირებით აფრთხილებს!„ტემპერატურის მატება გაგრძელდება! ზოგადი მდგომარეობა - მეტეოროლოგიური შეფასებების მიხედვით; ჰაერის ტემპერატურა, რომელიც სეზონურ ნორმებს აღემატება ჩვენს ქვეყანაში, მატულობს და ხვალ მიაღწევს მაქსიმალურ ზღვარს; ტემპერატურა აღმოსავლეთ საქართველოში სეზონურ ნორმას 3-5 გრადუსით გადააჭარბებს, ხოლო სანაპირო ზოლსა და დასავლეთის დაბლობზე 8-10 გრადუსით მაღალი იქნება.როგორც ვხედავთ ტემპერატურის მკვეთრი მომატება ძირითადად დასავლეთ საქართველოს ეხება!მოსალოდნელი ყველაზე მაღალი ტემპერატურა (C);ბათუმი, ქობულეთი: +34 +36ოზურგეთი ჩოხატაური, ლანჩხუთი : +34 +36სოხუმი, ფოთი, ანაკლია: +33 +35ქუთაისი: +34 +36ზუგდიდი: +35 +37თბილისი: +31 +33თელავი: +28 +30ასევე ტემპერატურა მნიშვნელოვნად მოიმატებს - მთიან და მაღალმთიან ზონაში.გაითვალისწინეთ - მაღალი ტემპერატურის გამო, ჩვენი მოქალაქეები, განსაკუთრებით ქრონიკული დაავადებების მქონე პირები, მოხუცები და ბავშვები, ფრთხილად უნდა იყოთ ღია სივრცეში მზეზე ყოფნისას 12-დან 16 საათამდე, რაც დღის ყველაზე ცხელი საათია.ასევე გეტყვით იმასაც, რომ ზაფხულის სტილის სითბოს ტალღები, რომელთაც შეუძლიათ ადვილად გადააჭარბონ 30°C-ს , განსაკუთრებით აფრიკული ანტიციკლონის მასიური წინსვლის შემთხვევაში, აპრილის ბოლოს არ არის უჩვეულო და მსგავსი სიტუაციის შექმნა არც ისე იშვიათია.მაგალითისთვის; 1957 წლის - 16 აპრილს ბათუმში +38.7 გრადუსი იყო, 1998 წლის 12 აპრილს +36.3, 1970 წელს +36,4/ გისურვებთ დიდებულ და ხალისიან დღეებს“,- წერს კობა ფარტენაძე. 

ომი უკრაინაში • 1713960433

უკრაინულმა დრონებმა „როსნეფტის“ 2 ბაზა გაანადგურეს, სადაც 26 ათასი ტონა ნავთობი ინახებოდა

უკრაინულმა დრონებმა ღამით რუსეთის სმოლენსკის ოლქში საწვავ-საპოხი მასალების ორი ბაზა გაანადგურეს, სადაც 26 ტონა საწვავი ინახებოდა. ამის შესახებ „უნიანი“ იუწყება.„შეტევის შემდეგ ბაზებზე ხანძარი გაჩნდა და იქიდან პერსონალის ევაკუაცია განხორციელდა“, - აცნობეს „უნიანს“ უკრაინის უშიშროების სამსახურში.დრონებით შეტევები ვორონეჟის და ლიპეცკის ოლქებზეც იყო მიტანილი. ვორონეჟში ნავთობგადასამუშავებელი ქარხანა დაიწვა.   როგორც უკრაინელმა ექსპერტმა ოლეგ ბელოკოლოსმა განაცხადა, უკრაინის ძალების შეტევებმა რუსეთის ნავთობგადასამუშავებელ ქარხნებზე შეიძლება რუსეთის შიდა ბაზარზე ნავთობპროდუქტების დეფიციტი გამოიწვიოს. რუსეთი ამ ქარხნების აღდგენას ვერ შეძლებს, რადგანაც იქ ბევრი უცხოური წარმოების ნაწილია, რაც რუსეთს სანქციების გამო აღარ მიეწოდება. კონტრაბანდული გზით ასეთი დანადგარების ჩატანა პრაქტიკულად შეუძლებელია.