ჩხოროწყუში ხანძრის შედეგად ორი საცხოვრებელი სახლი დაიწვა

17:44 09-11-2019
90

ჩხოროწყუს მუნიციპალიტეტის სოფელ ლესიჭინეში კობა ფარცვანიას საცხოვრებელი სახლი ხანძრის შედეგად მთლიანად დაიწვა.

ცეცხლი ერთსართულიან სახლს გაუჩნდა და ხანძარი გვერდით მდგარ ორსართულიან შენობასაც გადაედო. ორივე საცხოვრებელი სახლი განადგურებულია.

მოხერხდა ავეჯისა და საოჯახო ტექნიკის მხოლოდ მცირედი ნაწილის გადარჩენა.
ამ წუთებში მიმდინარეობს ხანძრის კერების სალიკვიდაციო სამუშაოები.

ხანძრის სალიკვიდაციო სამუშაოებში ჩართულია სამეგრელო-ზემო სვანეთის საგანგებო სიტუაციების მართვის სამმართველოს ჩხოროწყუს სახანძრო-სამაშველო განყოფილების ორი და ზუგდიდის მუნიციპალიტეტის ერთი ეკიპაჟი.

მომხდარის შედეგად არავინ დაშავებულა. რა გახდა ცეცხლის გაჩენის მიზეზი, ჯერჯერობით უცნობია.

შემთხვევის ადგილზე იმყოფებიან მუნიციპალიტეტის მერი დათო გოგუა და ადგილობრივი თვითმმართველობის წარმომადგენლები.

დათო გოგუას განცხადებით, მუნიციპალიტეტის მერია დაზარალებულ ოჯახს ხანძრის შედეგად დაზარალებულთა დახმარების პროგრამის ფარგლებში დახმარებას გაუწევს.

width=550

width=550

width=550

width=550

 

ავტორი: თეა შონია