მსოფლიო • 1713505670

ირანის სამოქალაქო ავიაციის ორგანიზაციაში აცხადებენ, რომ ირანში თავდასხმის გამო შეჩერებული ფრენები აღდგა

ირანმა აღადგინა ფრენები, რომელიც მას შემდეგ შეიზღუდა, რაც ისფახანის პროვინციაში სამხედრო ბაზის მახლობლად განხორციელებული აფეთქებების შესახებ გავრცელდა ცნობები. როგორც „სიენენი“ წერს, ამის შესახებ ირანი სამოქალაქო ავიაციის ორგანიზაციაში განაცხადეს.„გაცნობებთ, რომ აეროპორტებზე დაწესებული შეზღუდვები მოხსნილია და ავიაკომპანიებს ნებადართული აქვთ, დაგეგმილი ფრენები განახორციელონ“, – აცხადებენ ორგანიზაციაში.ფრენები განახლდა ირანის დედაქალაქის ორ მთავარ აეროპორტში.ისრაელმა ირანზე სარაკეტო დარტყმა დღეს დილით მიიტანა. ინფორმაციას ამერიკელი ოფიციალური პირები ადასტურებენ. ისრაელს ამ დროისთვის თავდასხმაზე პასუხისმგებლობა არ აუღია.

მიმოხილვა • 1713505272

Facebook-ის წესებთან დაკავშირებით, მორიგი ფეიკ ნიუსი ვრცელდება - რაზეა საუბარი

 სოციალურ მედიაში ვირუსულად გავრცელდა ინფორმაცია, რომელიც "ფეისბუკის" ახალ წესს უკავშირდება. „ფეისბუკ“ პოსტით ირკვევა, რომ აღნიშნული სიახლე მომხმარებლების კონფიდენციალურობის პირობას არღვევს და ჩვენი პერსონალური მონაცემები მარტივად ხელმისაწვდომი გახდება.სუბარია ამ ტექსტზე: “არ დაგავიწყდეთ, ხვალ იწყება Facebook-ის ახალი წესი (aka... new name, META), სადაც მათ შეუძლიათ გამოიყენონ თქვენი ფოტოები. შეგახსენებთ, ბოლო ვადა დღესაა!!! მე არ ვაძლევ უფლებას Facebook-ს ან Facebook-თან აფილირებულ ნებისმიერ კომპანიას გამოიყენოს ჩემი წარსული ან მომავალი ფოტოები, ინფორმაცია, შეტყობინებები ან პოსტები.ამ დეკლარაციით ვაცნობ Facebook-ს, რომ კატეგორიულად აკრძალულია ამ პროფილის ან/და მისი შინაარსის საფუძველზე ჩემს წინააღმდეგ გამოქვეყნება, კოპირება, გავრცელება ან რაიმე სხვა ქმედების განხორციელება. კონფიდენციალურობის დარღვევა ისჯება კანონით.შენიშვნა: Facebook ახლა არის საჯარო დაწესებულება. ყველა წევრმა უნდა გამოაქვეყნოს ასეთი შენიშვნა.ნებისმიერს შეუძლია დააკოპიროს და ჩასვას ეს ვერსია. თუ ერთხელ მაინც არ გააგზავნით განცხადებას, ეს უპირობოდ საშუალებას მიცემს გამოიყენოს თქვენი ფოტოები და ინფორმაცია თქვენი პროფილიდან და სტატუსის შეტყობინებებიდან.არ გააზიაროთ. დააკოპირეთ და ჩასვით.”აღნიშნულთან დაკავშირებით, განმარტებას აკეთებს ინფორმაციული ტექნოლოგიების იურისტი მარიამ შარანგია:"მინდა გამოვეხმაურო საქართველოში Meta-ს პროდუქტების (Facebook, Instagram, Whatsapp) ის წესების და პირობების შეცვლის შესახებ არსებულ აჟიოტაჟს. ოცამდე პოსტი შემხვდა ამ დეზინფორმაციის ირგვლივ საკმაოდ უდროო დროს და რადგან ეს სფერო არის ჩემი პროფესია მინდა ყველა თაობის ადამიანისთვის გასაგებ ენაზე ავხსნა.Facebook ყოველთვის იყენებდა და გამოიყენებს ინფორმაციას რომელსაც ჩვენ ვაწვდით, არანაირი სიახლე ამ კუთხით არ შესულა, ჩემი სამსახურეობრივი მოვალეობიდან გამომდინარე ყოველთვის ვფლობ ინფორმაციას დიდი პლათფორმების მიერ შეტანილ ცვლილებებზე და გარდა ამისა ჩემითაც მოვიკვლიე საკითხი და ახალს ვერაფერს წავაწყდი.ნებისმიერი პლათფორმა იყენებს ჩვენს პერსონალურ მონაცემებს, განსხვავება იწყება იქ თუ რა მონაცემი (სახელი, გვარი, მეილი და აშ.) მუშავდება და რა საფუძველს ეყრდნობა (თანხმობა, ხელშეკრულების პირობები, ლეგიტიმური ინტერესი და აშ.).Facebook იყენებს ნაწილ პერსონალურ მონაცემს ჩვენი თანხმობის საფუძველზე როცა ვრეგისტრირდებით, ნაწილს კი შემდგომში სხვადასხვა საფუძვლით მაგალითად ლეგიტიმური ინტერესი, რა დროსაც პლათფორმა აცხადებს რომ ბალანსი ინტერესებს შორის დაცულია და მისი მხრიდან ამა თუ იმ მონაცემის გამოყენება გადის ლეგიტიმურობის სამშრიან ტესტს (მიზანი, საჭიროება, ბალანსი).Facebook იყენებდა და იყენებს მონაცემებს რაც გაუზიარეთ რეგისტრაციის დროს (რაც მოიცავს თქვენს სახელს, გვარს, პაროლს, მეილს, გენდერს, დაბადების თარიღს და აშ); ინტერაქცია (ინფორმაციას იმის შესახებ თუ რა რეკლამას უყურეთ, რა დროით, მოგეწონათ თუ არა, დააპაუზეთ თუ არა და აშ); უშუალოდ მიმოწერა end-to-end encypted (ანუ კონფიდენციალური) არის თუმცა Metadata-ზე აქვთ წვდომა ანუ მაგალითად რა დროს გაიგზავნა მესიჯი ან რა სახის ტექსტი თუ ხმოვანი.2023 წლის იანვარში ირლანდიის პერსონალურ მონაცემთან კომისარმა დააჯარიმა Meta 390 მილიონი ევროთი იმის გამო რომ რეკლამის განთავსებისას ხდებოდა ისეთი პერსონალური მონაცემის გამოყენება რომელიც დაფუძნებული იყო წესებზე და პირობებზე და არა ღიად გაცხადებულ თანხმობაზე. ამიტომაც ნუ შეგეშინდებათ მსგავსი ცვლილების რადგან Facebook-მა რომც შეცვალოს რაიმე, მარეგულირებლები არიან ჩასაფრებული.უნდა იცოდეთ: თქვენი უფლებები, რომ თქვენ გაქვთ ინფორმაციის წაშლის უფლება, თქვენი ინფორმაციის მოთხოვნის უფლება, მასზე წვდომის უფლება და აშ. აგრეთვე მეეჭვება ეს აჟიოტაში ამას ეხებოდეს თუმცა თუ გსურთ რომ Meta-მ არ გამოიყენოს თქვენი მონაცემები Generative AI - გენერირებული ხელოვნური ინტელექტისთვის, გაქვთ უფლება მიმართოთ და წაშლიან მონაცემს, თუმცა აქაც უნდა გაითვალისწინოთ, რომ წაიშლება მხოლოდ Meta-ს მიერ ამოკრეფილი საჯარო ინფორმაციები თქვენზე ან სხვადასხვა კომპანიებისგან ნაყიდი თქვენს შესახებ ინფორმაციები.იმისთვის რომ არ ვაზიაროთ დეზინფორმაცია, ყოველთვის გადაამოწმეთ ფაქტები, დააკვირდით შინაარსს, მაგალითად რამდენად სარწმუნოა ის ფაქტი რომ საკუთარ პროფილზე ტექსტის ქართულად ან თუნდაც ინგლისურად დადებით ვაცხადებ თანხმობას ან უარს რაიმე სერვისზე", - წერს იგი.წყარო: BMG 

მსოფლიო • 1713505189

ისრაელმა ირანში ერთ-ერთ ობიექტზე სარაკეტო იერიში მიიტანა

ისრაელმა ირანში ერთ-ერთ ობიექტზე სარაკეტო თავდასხმა მიიტანა. ცნობას ტელეკომპანია ABC ამერიკელ ოფიციალურ პირზე დაყრდნობით ავრცელებს.ირანული მედია იუწყება, რომ ისპაჰანის საერთაშორისო აეროპორტთან აფეთქებების ხმა ისმოდა. გავრცელებული ცნობით, დღეს დილით ავიაკომპანიებმა „ემირატმა“ და „ფლაი დუბაიმ“ დასავლეთ ირანის თავზე ავიარეისების მარშრუტების გადამისამართება დაიწყეს. ფრენა შეჩერებულია თეირანში, ისპაჰანსა და შირაზში.

საზოგადოება • 1713503592

“სიყვარულით სავსე დღეები…”- ილია თოფურია ოჯახთან ერთად მაიამის მზიან სანაპიროს სტუმრობს

 UFC-ის პირველი ქართველი ჩემპიონი ილია თოფურია და მისი უშვენიერესი მეუღლე ჯორჯინა უზკატეგუია, რომლებიც სულ მალე შვილს ელოდებიან, თავისუფალ დროს აშშ-ში, მაიამის მზიან სანაპიროზე ატარებენ.ჯორჯინა უზკატეგუია ინსტაგრამის გამომწერებს უზიარებს სანაპიროზე გადაღებულ უახლეს ფოტოებს, რომლებსაც ემოციურ ტექსტს ურთავს.„სიყვარულით სავსე დღეები, სიახლეების შეცნობა და ბევრი აღმოჩენა. მადლობა ყველას ამ ყველაფერში მონაწილეობისთვის. ცხოვრებაში ყველაზე ღირებულს ვერ იყიდი და ჩვენ სავსე ვართ თქვენი სიყვარულით და დადებითი ენერგიით. ცოტაც და, ოჯახში მალე ოთხნი ვიქნებით და გვჯერა, რომ ღმერთი კიდევ ბევრ გასაოცარ რამეს გვიმზადებს“, – წერს ჯორჯინა უზკატეგუია.

საზოგადოება • 1713500270

შუქი გაითიშება - გადაამოწმეთ მისამართები

 სხვადასხვა სამუშაოების ჩატარების გამო 19 აპრილს ელექტრომომარაგება დროებით შეიზღუდება:გლდანის რაიონიგადაუდებელი სამუშაოების გამო 11:00 საათიდან 17:00 საათამდე შეზღუდვა შეეხება: სოფელი გლდანის, გლდანის მასივის III, IIIა, V მიკრორაიონების (ნაწილობრივ), მუხიანის აგარაკების, იაკობის, მუხის, კალოუბნის, წყაროთუბნის, ქერჩის, იპოლიტოვ-ივანოვის,  გმირ კურსანტთა და ჭელიძის ქუჩების მოსახლეობას.ისნის რაიონიგადაუდებელი სამუშაოების გამო 10:00 საათიდან 18:00 საათამდე შეზღუდვა შეეხება: ქეთევან დედოფლის გამზირის (ნაწილობრივ), მეტრომშენის დასახლების, უშაკოვის, მთისძირის, მშველიძის, ყვარლის, ტვიშის, მესხეთის და ბახუტაშვილის ქუჩების მოსახლეობას.საბურთალოს რაიონიქსელში გადართვების გამო 01:00 საათიდან 04:00 საათამდე შეზღუდვა შეეხება: სამხედრო გზატკეცილის, აღმაშენებლის ხეივნის (ნაწილობრივ),  დიღმის სასწავლო მეურნეობის, დიდი დიღმის I, III, IV მიკრორაიონების, პეტრე იბერის, ფატმანის, მირიანაშვილის, თინათინის, დემეტრე თავდადებულის, სვანიშვილის, შალვა ახალციხელის, გიორგი ბრწყინვალის, ნესტან-დარეჯანის, ცამეტი ასურელის, რამაზის, ბერტა ფონ ზუტნერის, შერმადინის, ვეხტმანის, მარკო პოლოს, ცხაკაიას, შაქარაშვილის, მირიან მეფის, არჩილ მეფის, ფრედერიკ მონტერეის, კასტელის, ერედვის, ნინო აბაშიძე-ორბელიანის, უსენის, რაინგესის, კლაპროტის, ვეფხისტყაოსნის, ხატაეთის, ტარიელის, ჰუგო ჰუბერტის, სტრაბონის, ნიკო ბურის, არქანჯელო ლამბერტის, ავთანდილის, მაჭავარიანის და პეტრიწის ქუჩების მოსახლეობას.გადაუდებელი სამუშაოების გამო 10:00 საათიდან 18:00 საათამდე შეზღუდვა შეეხება: სამხედრო გზატკეცილის, აღმაშენებლის ხეივანის, სოფელი დიღმის, სოფელი  ზურგოვანის, მუხათგვერდის დასახლების, პატარა დიღმის აგარაკების, დიღმის წყლის უბნის, დიღმის სასწავლო მეურნეობის, აგრარული უნივერსიტეტის დასახლების, დიღმის მასივის I კვარტლის, ფარნავაზ  მეფის  გამზირის, ყაზბეგის გამზირის (ნაწილობრივ), აკაკი გელოვანის, გოდერძი ჩოხელის, კატო მიქელაძის, ნიკოლოზ ჩაჩავას, გიორგი ციციშვილის, ბენედიქტე მაღლაკელიძის, ძმები კარბელაშვილების, გრიგოლ ფერაძის, პიმენ ყურაშვილის, სიხარულიძის, აისის, სიხარულის, ლაშა ლაშხიას, ლუარსაბ ანდრონიკაშვილის, ეგრისის, ხახულის, გიორგი ციციშვილის, შალვა კარმელის, გურამ ნიჟარაძის, ნიკოლოზ ქაშაკაშვილის, გიგა ჯაფარიძის, ივანე სარიშვილის, ნიკოლოზ ბერაძის, ტარიელ გვიმრაძის, შალვა გოგიძის, გრიგოლ ფერაძის, ქრისტინე შარაშიძის, ყურაშვილის, დემეტრე თავდადებულის, პეტრიწის, გერგედავას, ლორთქიფანიძის, ჩახავას,  ჩხეიძის,  გეგეჭკორის,  მარიკა ბარათაშვილის, კარტოზიას, საბურთალოს, თამარაშვილის, ანტონოვსკაიას და 26 მაისის ქუჩების მოსახლეობას.ვაკის რაიონიგადაუდებელი სამუშაოების გამო 11:00 საათიდან 17:00 საათამდე შეზღუდვა შეეხება: ილია ჭავჭავაძის გამზირის (ნაწილობრივ), მოსაშვილის, შატბერაშვილის, ნინო ჟვანიას, კეკელიძის და ღოღობერიძის ქუჩების მოსახლეობას.სამგორის რაიონიგადაუდებელი სამუშაოების გამო 11:00 საათიდან 18:00 საათამდე შეზღუდვა შეეხება: კახეთის გზატკეცილის (ნაწილობრივ), სოფელი დიდი ლილოს, სადგური ლილოს ტერიტორიის,  საქნავთობის დასახლების, იოსებ ალავერდელის, გრიგოლ  ლორთქიფანიძის,  ბაღდავაძის, ქიზიყის, მამისაშვილის და კაიროს ქუჩების მოსახლეობას.კრწანისის რაიონიქსელში გადართვების გამო 01:00 საათიდან 04:00 საათამდე შეზღუდვა შეეხება: ვოლსკის და  კრწანისის ქუჩების მოსახლეობას.ნაძალადევის რაიონიქსელში გადართვების გამო 01:00 საათიდან 04:00 საათამდე შეზღუდვა შეეხება: ლეჩხუმის, წმინდა მელქისედეკის, მუშკორის, მანჯგალაძის, ტრიკოტაჟის, ლიკანის, სააკაძის, თოფურია  ვალენტინის, ქართლელიშვილის, სვანეთის, კამალოვის, ნიკო მარის, თამარაშვილის, ნინუას, ვანის, საჭილაოს, სუმბათაშვილის, მეჯვრისხევის, წიკლაურის, ცოტნე დადიანის (ნაწილობრივ), ბეჟანიშვილის, ხევსურეთის,  ჩაქვის, კურნატოვის, გულრიფშის, სართანიას, ლოტკინის, ზესტაფონის, ზაჰესის, ჯანელიძის და გომბორის ქუჩების მოსახლეობას.