გაეროში საქართველოს ახალგაზრდობის წარმომადგენლის პოზიციაზე კონკურსი ცხადდება

12:31 08-12-2019

საქართველოს განათლების, მეცნიერების, კულტურისა და სპორტის სამინისტრო აცხადებს საკონკურსო განაცხადების მიღებას გაეროში საქართველოს ახალგაზრდობის წარმომადგენლის პოზიციაზე.

ახალგაზრდობის წარმომადგენლების პროგრამა, გაეროს ერთ-ერთ წარმატებულ ინიციატივაა, რომელსაც 1981 წელს ჩაეყარა საფუძველი. საქართველო პროექტში 2012 ლიდან მონაწილეობს და იგი სრულად ფინანსდება საქართველოს განათლების, მეცნიერების, კულტურისა და სპორტის სამინისტროს მიერ, საგარეო საქმეთა სამინისტროსთან პარტნიორობით.

კონკურსის გავლის შემდეგ, შერჩეული წარმომადგენელი მთელი ქვეყნის მასშტაბით შეხვედრებს ატარებს და ახალგაზრდებთან გადის კონსულტაციებს,  მოგვიანებით, კანდიდატი მიემგზავრება გაეროს სათაო ოფისში (ნიუ იორკი, აშშ), სადაც როგორც საქართველოს დელეგაციის სრულუფლებიანი წევრი, მონაწილეობას იღებს გენერალური ასამბლეის მესამე კომიტეტის ღონისძიებებში და საკომიტეტო მოსმენებში, სიტყვით გამოდის ამავე კომიტეტის სხდომაზე და  ახალგაზრდობის შესახებ დადგენილების შემუშავებაში მონაწილეობს. 

კონკურსში მონაწილეობის მიღება შეუძლია საქართველოს ნებისმიერ მოქალაქეს - 18-დან 25 წლამდე. დაინტერესებულმა კანდიდატებმა უნდა წარმოადგინონ შემდეგი დოკუმენტები: Curriculum Vitae, მანდატის მიღების შემთხევაში განსახორციელებელი სამოქმედო გეგმა ინგლისურ ენაზე (17 000 ლარი) და ინგლისურ ენაზე დაწერილი თემა (მაქსიმუმ 500 სიტყვა, ფონტი -ზომა-11;Sylfaen, ხაზებს შორის დაშორება 1) შემდეგ საკითხზე:

The phrase “no one left behind” is in the preamble of the sustainable development goals and is the theme of the first annual high level political forum on sustainable development. What does “no one left behind” mean, and why is it important for Georgia?

განაცხადები მიიღება განათლებისა და მეცნიერების სამინისტროს კანცელარიაში დიმიტრი უზნაძის N52 ნაბეჭდი (ერთი ეგზემპლარი) და ელექტრონული სახით (კომპაქტ დისკი) 2019 წლის 26 აგვისტოს ჩათვლით.

კონკურსი ჩატარდება სამ ეტაპად:

1.       პირველ ეტაპზე კანდიდატები შეფასდებიან წარმოდგენილი დოკუმენტების საფუძველზე.

2.       შერჩეული კანდიდატები გაივლიან კომისიასთან გასაუბრებას. გასაუბრება ჩატარდება ინგლისურ ენაზე.

3.       გასაუბრების შედეგად შერჩეული საუკეთესო კანდიდატები სიტყვით გამოვლენ (ინგლისურ ენაზე) განათლებისა და მეცნიერების სამინისტროს მიერ გამართულ საჯარო ღონისძიებაზე.

4.       გამარჯვებული კანდიდატი გამოვლინდება 2019 წლის სექტემბერში.

პროგრამის შესახებ დამატებითი ინფორმაციის მისაღებად ეწვიეთ

პროგრამის Facebook გვერდს - https://www.facebook.com/UNyouthgeorgia

პროგრამის Youtube არხს http://www.youtube.com/user/unyouthdelegatege/videos

 

განათლების, მეცნიერების, კულტურისა და სპორტის სამინისტროს

სტრატეგიული კომუნიკაციის დეპარტამენტი