საზოგადოება • 1713985198

ტემპერატურა მატულობს და ხვალ მიაღწევს მაქსიმალურ ზღვარს! - მეტეოროლოგის გაფრთხილება

მეტეოროლოგი, კობა ფარტენაძე, საზოგადოებას ტემპერატურის მატებასთან დაკავშირებით აფრთხილებს!„ტემპერატურის მატება გაგრძელდება! ზოგადი მდგომარეობა - მეტეოროლოგიური შეფასებების მიხედვით; ჰაერის ტემპერატურა, რომელიც სეზონურ ნორმებს აღემატება ჩვენს ქვეყანაში, მატულობს და ხვალ მიაღწევს მაქსიმალურ ზღვარს; ტემპერატურა აღმოსავლეთ საქართველოში სეზონურ ნორმას 3-5 გრადუსით გადააჭარბებს, ხოლო სანაპირო ზოლსა და დასავლეთის დაბლობზე 8-10 გრადუსით მაღალი იქნება.როგორც ვხედავთ ტემპერატურის მკვეთრი მომატება ძირითადად დასავლეთ საქართველოს ეხება!მოსალოდნელი ყველაზე მაღალი ტემპერატურა (C);ბათუმი, ქობულეთი: +34 +36ოზურგეთი ჩოხატაური, ლანჩხუთი : +34 +36სოხუმი, ფოთი, ანაკლია: +33 +35ქუთაისი: +34 +36ზუგდიდი: +35 +37თბილისი: +31 +33თელავი: +28 +30ასევე ტემპერატურა მნიშვნელოვნად მოიმატებს - მთიან და მაღალმთიან ზონაში.გაითვალისწინეთ - მაღალი ტემპერატურის გამო, ჩვენი მოქალაქეები, განსაკუთრებით ქრონიკული დაავადებების მქონე პირები, მოხუცები და ბავშვები, ფრთხილად უნდა იყოთ ღია სივრცეში მზეზე ყოფნისას 12-დან 16 საათამდე, რაც დღის ყველაზე ცხელი საათია.ასევე გეტყვით იმასაც, რომ ზაფხულის სტილის სითბოს ტალღები, რომელთაც შეუძლიათ ადვილად გადააჭარბონ 30°C-ს , განსაკუთრებით აფრიკული ანტიციკლონის მასიური წინსვლის შემთხვევაში, აპრილის ბოლოს არ არის უჩვეულო და მსგავსი სიტუაციის შექმნა არც ისე იშვიათია.მაგალითისთვის; 1957 წლის - 16 აპრილს ბათუმში +38.7 გრადუსი იყო, 1998 წლის 12 აპრილს +36.3, 1970 წელს +36,4/ გისურვებთ დიდებულ და ხალისიან დღეებს“,- წერს კობა ფარტენაძე. 

პოლიტიკა • 1713985143

VIDEO: ოპოზიციას კი არა ქვეყანას აწყობს... - რომან გოცირიძე „უცხოური გავლენის გამჭვირვალობის“ კანონის საწინააღმდეგო აქციაზე

ოპოზიციას კი არა ქვეყანას აწყობს...რა თქმა უნდა, აწყობს ოპოზიციას, ოპოზიციას გამოვა ქუჩაში, ჯერ დავაკვირდებით გაიწვევენ თუ არა. ამ კანონს დიდი ისტორია აქვს, პირველი მოსმენა იქნება 29-ში კომიტეტზე... - ამის შესახებ  „ევროოპტიმისტების“ თავმჯდომარე რომან გოცირიძემ გადაცემა „ვახო ხუზმიაშვილის თავისუფალ სივრცეში“ განაცხადა. 

საზოგადოება • 1713984570

ვინ და რატომ სცადა გოგა მანიას მოწამვლა - ეზოტერიკოსი ალაპარაკდა

ეზოტერიკოსი გოგო მანია ჟურნალ „თბილისელებთან“ ჰყვება, რომ თურქეთში მისი მოწამვლა სცადეს.– დიახ, თურქეთში ყოფნის დროს, ვითომ მეგობრებმა, თურქებმა და მათ შორის ერთ-ერთმა იქ მცხოვრებმა ქართველმა, მომწამლეს. ბევრმა მითხრა: ხომ ეზოთერიკოსი ხარ, წინასწარმეტყველი და არ შეგეძლო ეს ფაქტი თავიდან აგერიდებინაო? დიდი იმედი მქონდა, ავირიდებდი, მაგრამ ისეთ სიტუაციაში მოვხვდი, რომ ეს აუცილებლად უნდა მომხდარიყო. ამაზე ხილვაც მქონდა და ზუსტად ვიცოდი, რას მიპირებდნენ. თუმცა, სამყაროს წინააღმდეგ ვერ წახვალ. მე ეს დავუშვი, რადგან ის რომ ამერიდებინა, სხვა რაიმე შემემთხვეოდა, რაზეც ინფორმაცია არ მქონდა. შესაბამისად, ბოლომდე მივენდე სამყაროს და ნამდვილი ჯოჯოხეთი გამოვიარე. საქმიან შეხვედრაზე რძიანი ყავა მომართვეს, რომელშიც საწამლავი იყო გარეული და მოვიწამლე. ცუდად გავხდი, ძილი მომერია, ძალა წამერთვა, ხელ-ფეხი დამიბუჟდა, ვერ ვამოძრავებდი, წნევა დამივარდა... თავად გამოიძახეს სასწრაფო დახმარება. რთული დღეები და ჯოჯოხეთი გამოვიარე, მაგრამ გადავრჩი.– რის გამო სცადეს შენი ამ დღეში ჩაგდება?– ეს თემა ტაბუდადებული მაქვს, არ მსურს საუბარი. მინდა, გითხრათ, მაქვს ძალა და შემეძლო, ისინი გარკვეული რიტუალით დამესაჯა, მაგრამ არ ვიკადრე და არ ვაკადრე ეს საკუთარ თავს. მე რომ კარგად ვარ, ესაა ჩემი მათდამი პასუხი. ძალადობას, ძალადობით არ ვპასუხობ, კარმა არსებობს და ყველას მოეთხოვება, როგორც ზედმეტი სიკეთისთვის, ისე ზედმეტი ბოროტებისთვის.

მსოფლიო • 1713984476

იტალიის დემოკრატიული პარტიის წევრი, დეპუტატი ელ ფატო სუნამოს ქურდობისთვის აეროპორტში დააკავეს

იტალიის დემოკრატიული პარტიის წევრს, რომის ფიუმიჩინოს აეროპორტის მაღაზიიდან ბრენდირებული სუნამოს მოპარვის გამო უსიამოვნება შეექმნა. ინფორმაციას Il Fatto Quotidiano ავრცელებს.გროტესკული ამბავი დეტალურად აღადგინა გაზეთმა, რომელიც დედაქალაქის აეროპორტში მომხდარის შესახებ მოგვითხრობს.გავრცელებული ინფორმაციით, დეპუტატმა სუნამო მეუღლისთვის საჩუქრად აიღო, შემდეგ კი მაღაზია გადაუხდელად დატოვა.„უბრალოდ პიჯაკის ჯიბეში ჩავდე სუნამოს პაკეტი და ველოდებოდი სალაროსთან მისვლას“, - განმარტა მან მას შემდეგ, რაც ქურდობის საწინააღმდეგო საგანგაშო სიგნალი ამოქმედდა. ხმაურმა დაცვის თანამშრომლის ყურადღება მიიპყრო, რომელმაც დეპუტატ ფასინოს ჯიბეში გადაუხდელი პაკეტი იპოვა და აეროპორტში მყოფ პოლიციას შეატყობინა.ფასინომ, თავისი კეთილსინდისიერების საჩვენებლად, შესთავაზა, რომ ორ სუნამოს იყიდდა საქმის დახურვისთვის, მაგრამ უსაფრთხოების სისტემის სურათების გადახედვის შემდეგ, მენეჯერებმა უარი უთხრეს. „გაოგნებული ვარ, რომ როდესაც მეგონა, უკვე მოვაგვარე საქმე პასუხისმგებელ პირებთან, უშიშროების თანამშრომელი მომიახლოვდა და გააპროტესტა ეს ქმედება და შეატყობინა პოლიციის ოფიცერს. რა თქმა უნდა, არ მქონდა განზრახული სუნამოს მოპარვა“, - თქვა ფასინო ელ ფატომ.ასევე ნახეთ:„საფლავის შიგნით შევდივარ, წყვდიადში გზას ვიკვლევ... სადაც იესოს ცხედარი ესვენა, მუხლს ვიყრი უფლის შიშით და...“- პატრიარქი დიოდორე I წმინდა ცეცხლის გარდამოსვლაზე „ეს დიდი შეცდომაა“ - საფულეში ჩადებული ნივთები, რომლებიც ფინანსურ წარმატებას აფრთხობს

პოლიტიკა • 1713984385

VIDEO: „ამ ქვეყანაში, ადამიანების უმრავლესობა ცხოვრობს, რომელიც მრავალი წლის მანძილზე ლეგიტიმაციას აძლევს ხელისუფლებას...“ - ზურა ხაჩიძე

„ამ ქვეყანაში, ადამიანების უმრავლესობა ცხოვრობს, რომელიც მრავალი წლის მანძილზე ლეგიტიმაციას აძლევს ხელისუფლებას...“ - ამის შესახებ ზურა ხაჩიძემ გადაცემა „ვახო ხუზმიაშვილის თავისუფალ სივრცეში“ განაცხადა.„არაფრის დემონსტრირება არ გვჭირდება. ამ ქვეყანაში, ადამიანების უმრავლესობა ცხოვრობს, რომელიც მრავალი წლის მანძილზე ლეგიტიმაციას აძლევს ხელისუფლებას.  29-ში ამის დაფიქსირებაა, ამ კანონის მხარდაჭერაა. 29-ში არის ჩვენი ქვეყნის სუვერენიტეტის დაცვა...“ - განაცხადა ზურა ხაჩიძემ.