"კალანდიამ ჩვენება დღესაც შეცვალა" - ადვოკატი

16:33 02-12-2019
337

ხორავას ქუჩაზე მომხდარი არასრულწლოვნების საქმეში ერთ-ერთი ბრალდებულის ადვოკატი ტარიელ კაკაბაძე აცხადებს, რომ საქმის მთავარმა მოწმემ მიხეილ კალანდიამ კიდევ ერთხელ შეცვალა ჩვენება.

როგორც კალანდიას დაკითხვის დასრულების შემდეგ ტარიელ კაკაბაძემ სააპელაციო სასამართლოში ჟურნალისტებს განუცხადა, 

"გამორიცხულია ობიექტურმა პირმა ბრალდების მხარის პოზიცია გაითვალისწინოს. საქმე არ არის სწორად გამოძიებული და ბევრი რამ არის გაფუჭებული. მოწმემ, რომელიც არ არის დამაჯერებელი, 3-ჯერ შეიყვანა სასამართლო შეცდომაში და განსხვავებული ინფორმაცია მიაწოდა საგამოძიებო ორგანოს. დღესაც დაიკითხა და შეცვალა მისი ჩვენება. მე მესმის, რომ ძალიან ძნელია ამ ეტაპზე ამ საქმის გამოსწორება“,- განაცხადა ტარიელ კაკაბაძემ. 

ადვოკატის თქმით, ყველა არსებულ ჩვენებაში კალანდია აბსოლუტურად განსხვავებულ გარემოებებზე საუბრობს. დაცვის მხარე განმარტავს, რომ სააპელაციო სასამართლომ მისი ჩვენება არ უნდა გაიზიაროს.