„ქართული ოცნებიდან“ ეკა ბესელიას გარიცხვის საკითხზე გუნდი იმსჯელებს : კახა კალაძე

23:11 01-12-2019
538

გუნდში გვექნება მსჯელობა და ერთად მივიღებთ გადაწყვეტილებებს, – ასე უპასუხა თბილისის მერმა კახა კალაძემ ჟურნალისტების კითხვას, გარიცხავენ თუ არა „ქართული ოცნებიდან“ ეკა ბესელიას.

დედაქალაქის მერი თვლის, რომ სანამ გარეთ გამოვიდოდა კონკრეტული საკითხები, გუნდში უნდა მომხდარიყო მსჯელობა.

„გუნდში გვექნება მსჯელობა. თუ რაღაც უთანხმოება, გაურკვევლობა არის კონკრეტულ საკითხებზე, შეიძლება ეს ნორმალურიცაა, როდესაც უმრავლესობის ამხელა შემადგენლობაა, ყველა საკითხზე შეუძლებელია ერთიანი ხედვა, ერთიანი მიდგომა.

თუმცა, ვისურვებდი, სანამ გარეთ გამოვიდოდა კონკრეტული საკითხები, გუნდში მომხდარიყო მსჯელობა, გუნდში მომხდარიყო გადაწყვეტილების მიღება ამა თუ იმ საკითხზე. შეიძლება, რაღაცაზე ვერ შევთანხმებულიყავით, შეიძლება პირიქით, შევთანხმებულიყავით. ამიტომ, ჩემთვის გარეთ საუბარი კატეგორიულად მიუღებელია. ჩვენ გვექნება ამაზე მსჯელობა და ერთად მივიღებთ გადაწყვეტილებებს“, – განაცხადა კახა კალაძემ.