პოლიტიკა • 1714040306

აი ასეთ ხალხთან გვაქვს ურთიერთობა, რომლებსაც მერე პრეტენზია აქვთ, რომ ესმით საქართველოს კონტექსტი და იციან რა არის კარგი ქართველი ხალხისთვის - შალვა პაპუაშვილი ევროპარლამენტის მიერ ინიცირებულ რეზოლუციაზე

,,არის ხოლმე მითითება, რომ ევროპარლამენტის კომპეტენციები არის ერთი საკითხი, ევროკომისიის კომპეტენცია არის სხვა საკითხი. ევროპარლამენტის კომპეტენციას არ წარმოადგენს არც კანდიდატის სტატუსის მინიჭება, არც მოლაპარაკებების გახსნა, - ამის შესახებ პარლამენტის თავმჯდომარე შალვა პაპუაშვილმა აჭარაში რეგიონულ მედიასთან შეხვედრაზე განაცხადა.პარლამენტის თავმჯდომარემ აღნიშნა, რომ მმართველი გუნდისთვის დიდი დატვირთვა ვერ ექნება ევროპარლამენტის რეზოლუციას, სადაც აფხაზეთი ცალკე სახელმწიფოდ არის მოხსენიებული.„დღესდღეობით არის დამატებითი სიტუაცია, რომ ევროპარლამენტის ეს მოწვევა თავის მანდატს ამოწურავს ცოტა ხანში. იცით, რომ ივნისში იქნება არჩევნები. ამიტომ, არსებობენ გარკვეული ჯგუფები თავად ევროპარლამენტში, რომელთა დამოკიდებულებაც ქართველი ხალხის მიმართ ცნობილი არის. ისინი ამოწურავენ მანდატს და ასეთი ტიპის პწკენები უფრო ტოვებს ისეთ აღქმას, რომ ეს არის გარკვეული პირადი ვენდეტა, ბრაზი, რომელიც უნდათ გამოხატონ რეზოლუციის სახით. ზოგიერთი ამ დეპუტატებიდან ცოტა ხანში ალბათ აღარც იქნება ევროპარლამენტში. ისინი დაბრუნდებიან საკუთარ ქვეყნებში, მშვიდად გადაბრუნდებიან და დაიძინებენ და ჩვენ ამ სიმშვიდის უფლება არ გვაქვს. როცა რაღაცებს უყურებენ ზედაპირულად, აძლევენ თავს ამის უფლებას, ჩვენ ამ ზედაპირულობის უფლება არ გვაქვს.მათ შორის, ალბათ ნახეთ, რომ ინიცირებულ რეზოლუციაში აფხაზეთი იყო ყირგიზეთთან მოხსენიებული, როგორც სახელმწიფო. ერთ წინადადებაში. აი, ასეთ ხალხთან გვაქვს ურთიერთობა, რომლებსაც მერე პრეტენზია აქვთ, რომ ესმით საქართველოს კონტექსტი, იციან რა არის კარგი ქართველი ხალხისთვის და ისიც არ იციან, თუ როგორი რუსული პროპაგანდა ჩადეს იმ რეზოლუციის პროექტში, სადაც აფხაზეთი ყირგიზეთის გვერდით გამოიყვანეს ლამის სახელმწიფოდ. ამიტომ, თავისთავად, ასეთი თავქარიანი დამოკიდებულება საქართველოს მიმართ ჩვენთვისაც მიუღებელი არის და ამიტომაც, რაიმე განსაკუთრებულ დატვირთვას ასეთ რეზოლუციას არ ვაძლევთ. მით უმეტეს, რომ იმ გამოსვლების ფონზე, რომლებიც ვიხილეთ დებატების დროს, მოვისმინეთ იგივე ადამიანების კომენტარი, რომ გამჭვირვალობა მნიშვნელოვანია, მნიშვნელოვანია ქვეყანამ იცოდეს თანხები საიდან შემოდის“, - განაცხადა პაპუაშვილმა.

პოლიტიკა • 1714039607

უახლესი ისტორია მკაფიოდ აჩვენებს, რომ პრემიერ-მინისტრი კობახიძე და მმართველი გუნდი ოსტატურად იგერიებენ საქართველოზე თავდასხმებს უსამშობლო ვერცხლისმოყვარეთა ყველა მიმართულებიდან - გია აბაშიძე

რასაკვირველია, ფსევდოლიბერალური "ბაბლის" პერსონაჟებს პრემიერ ორბანის ეს განცხადება, რომ ირაკლი კობახიძე ქართულ პოლიტიკაში დიდ მოჭადრაკედ მიიჩნევა, არ მოეწონებათ და კონვულსიებში ჩავარდებიან, თუმცა როდის იყო მარგინალთა აზრი მნიშვნელოვანი?, - ასე ეხმიანება ანალიტიკოსი გია აბაშიძე უნგრეთის პრემიერ მინისტრის ვიქტორ ორბანის განცხადებას, რომლის თქმითაც, "ირაკლი კობახიძე არის მთავრობის მეთაური, რომელიც საქართველოში, ქართულ პოლიტიკაში დიდ მოჭადრაკედ მიიჩნევა - ყველა გამოწვევის, ზეძალის მიუხედავად, როგორ შეიძლება, ეროვნული იდენტობისა და კულტურის შენარჩუნება ქვეყანაში, ეს ნამდვილად არის მოჭადრაკის, გროსმაისტერის უნარი".აბაშიძე აღნიშნავს, რომ უახლესი ისტორია მკაფიოდ აჩვენებს, რომ პრემიერ-მინისტრი კობახიძე და მმართველი გუნდი ოსტატურად იგერიებენ საქართველოზე თავდასხმებს უსამშობლო ვერცხლისმოყვარეთა ყველა მიმართულებიდან.„რასაკვირველია, ფსევდოლიბერალური "ბაბლის" პერსონაჟებს პრემიერ ორბანის ეს განცხადება, რომ ირაკლი კობახიძე ქართულ პოლიტიკაში დიდ მოჭადრაკედ მიიჩნევა, არ მოეწონებათ და კონვულსიებში ჩავარდებიან, თუმცა როდის იყო მარგინალთა აზრი მნიშვნელოვანი?უახლესი ისტორია მკაფიოდ აჩვენებს, რომ პრემიერ-მინისტრი კობახიძე და მმართველი გუნდი ოსტატურად იგერიებენ საქართველოზე თავდასხმებს უსამშობლო ვერცხლისმოყვარეთა ყველა მიმართულებიდან.  Hungarian PM praises Georgian counterpart, says “Irakli Kobakhidze is considered great chess player in Georgian politics”“, - წერს აბაშიძე Facebook-ზე.

პოლიტიკა • 1714038815

ირაკლი კობახიძემ კონსერვატიული პოლიტიკური მოქმედების კონფერენციაზე საზოგადოებას შეახსენა, რა ურთულესი გამოწვევების წინაშე არიან საქართველო და სხვა ქვეყნები - ჩვენი ქვეყანა გაუმკლავდება ამ დესტრუქციულ იდეოლოგიას, წარმატებულნი იქნებიან ისინი, ვინც იცავენ სუვერენიტეტს, რწმენას, ღირებულებებს - გია აბაშიძე

ანალიტიკოსი გია აბაშიძე, პრემიერ-მინისტრ ირაკლი კობახიძის მიერ უნგრეთში, კონსერვატიული პოლიტიკური მოქმედების კონფერენციაზე სიტყვით გამოსვლას სოციალურ ქსელში ეხმიანება და აღნიშნავს, რომ პრემიერმა საზოგადოებას ისევ შეახსენა, რა ურთულესი გამოწვევების წინაშე დგას საქართველო და პროგრესული სამყაროს დანარჩენი ქვეყნები.ანალიტიკოსის განცხადებით, ფსევდო-ლიბერალიზმმა და მახინჯმა დოგმებმა წალეკა არაერთი ინსტიტუტი მსოფლიოში, თუმცა, საქართველოსთან ერთად, დესტრუქციულ იდეოლოგიას წარმატებით გაუმკლავდებიან ისინი, ვინც სუვერენიტეტს, რწმენას და ღირებულებებს იცავს."პრემიერ-მინისტრმა ირაკლი კობახიძემ უნგრეთში, კონსერვატიული პოლიტიკური მოქმედების კონფერენციაზე საზოგადოებას კვლავ შეახსენა თუ რა ურთულესი გამოწვევების წინაშე არიან საქართველო და პროგრესული სამყაროს სხვა ქვეყნები. ფსევდოლიბერალობამ და მახინჯმა დოგმებმა წალეკეს არაერთი ინსტიტუტი მსოფლიოში. თუმცა, როგორც ჩვენი ქვეყანა გაუმკლავდება ამ დესტრუქციულ, გლობალისტურ იდეოლოგიას, ასევე წარმატებულნი იქნებიან ისინი, ვინც იცავენ სუვერენიტეტს, რწმენას, ღირებულებებსა და ტრადიციებს." - წერს გია აბაშიძე.

საზოგადოება • 1714038780

„წვიმა, ელჭექი, სეტყვა...“ - უახლესი ამინდის პროგნოზი

გარემოს ეროვნული სააგენტოს ცნობით, 26 აპრილს საქართველოში შენარჩუნდება ცხელი და უმეტესად უნალექო ამინდი, ხოლო 27-29 აპრილს სითბოს ფონზე ზოგან ხანმოკლე წვიმა და ელჭექია მოსალოდნელი, შესაძლებელია სეტყვაც.თბილისში შენარჩუნდება თბილი და უნალექო ამინდი. ჰაერის ტემპერატურა დღისით +29, +31 გრადუსი იქნება.სანაპირო რაიონებში (ბათუმი, ქობულეთი, ანაკლია, ფოთი): 26 აპრილს შენარჩუნდება ცხელი ამინდი. ჰაერის ტემპერატურა დღისით +32, +35 გრადუსის ფარგლებში იქნება. დღისით მაღალი ტემპერატურის ფონზე შესაძლოა ხანმოკლე წვიმა ელჭექით და ქარის შკვალური გაძლიერება აღინიშნოს. 27-29 აპრილსაც ზოგან იწვიმებს, ჰაერის ტემპერატურა დღისით +23, +28 გრადუსამდე დაიკლებს.დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი): 26 აპრილს შენარჩუნდება ცხელი და უმეტესად უნალექო ამინდი, ჰაერის ტემპერატურა დღისით +32, +37 გრადუსის ფარგლებში იქნება. 27-29 აპრილს სითბოს ფონზე ზოგან ხანმოკლე წვიმა და ელჭექია მოსალოდნელი, ჰაერის ტემპერატურაც შედარებით დაიკლებს.დასავლეთ საქართველოს მთიან რეგიონებში (ამბროლაური, ონი, ცაგერი, შოვი, ჭიათურა, საჩხერე, ხულო): 26 მოსალოდნელია უმეტესად უნალექო ამინდი, ხოლო 27-29 აპრილს სითბოს ფონზე ზოგან იწვიმებს. ჰაერის ტემპერატურა დღისით +27, +32 გრადუსი იქნება.დასავლეთ საქართველოს მაღალმთიან რეგიონებში (მესტია, ბახმარო): მოსალოდნელია თბილი და უნალექო ამინდი. 26 აპრილს მოსალოდნელია უმეტესად უნალექო ამინდი, ხოლო 27-29 აპრილს სითბოს ფონზე ზოგან იწვიმებს. ჰაერის ტემპერატურა დღისით +23, +28 გრადუსი იქნება.ქართლში (რუსთავი, ბოლნისი, მარნეული, გარდაბანი, გორი, ცხინვალი): შენარჩუნდება თბილი და უმეტესად უნალექო ამინდი. ჰაერის ტემპერატურა დღისით +29, +31 გრადუსი იქნება.კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო): 26 აპრილს მოსალოდნელია უმეტესად უნალექო ამინდი, ხოლო 27-29 აპრილს სითბოს ფონზე ზოგან შესაძლოა ხანმოკლე წვიმა ელჭექით და სეტყვა. ჰაერის ტემპერატურა დღისით +30, +32 გრადუსი იქნება.აღმოსავლეთ საქართველოს მთიან რეგიონებში (ახალციხე, ბორჯომი, დუშეთი, თიანეთი, ფასანაური, დედოფლისწყარო): 26 აპრილს მოსალოდნელია უმეტესად უნალექო ამინდი, ხოლო 27-29 აპრილს სითბოს ფონზე ზოგან შესაძლოა ხანმოკლე წვიმა ელჭექით და სეტყვა. ჰაერის ტემპერატურა დღისით +25, +30 გრადუსი იქნება.აღმოსავლეთ საქართველოს მაღალმთიან რეგიონებში (ახალქალაქი, წალკა, ბაკურიანი, გუდაური, ომალო, დედოფლისწყარო): 26 აპრილს მოსალოდნელია უმეტესად უნალექო ამინდი, ხოლო 27-29 აპრილს სითბოს ფონზე ზოგან შესაძლოა ხანმოკლე წვიმა ელჭექით და სეტყვა. ჰაერის ტემპერატურა დღისით +20, +25 გრადუსი იქნება.

მსოფლიო • 1714038540

მეცნიერები ამბობენ, რომ ევროპაში მავნე სიცხის ტალღა ძლიერდება

ევროპაში სულ უფრო და უფრო მეტად ცხება. ბოლო დროს ისეთი სიცხეა, რომელსაც ადამიანი ვერ უმკლავდება. ამის შესახებ ევროკავშირის კლიმატის მონიტორინგის სამსახურმა კოპერნიკმა და მსოფლიო მეტეოროლოგიურმა ორგანიზაციამ განაცხადეს.კლიმატის ანგარიშში მეცნიერებმა აღნიშნეს გასული წლის ექსტრემალური პირობები. საუბარია ივლისის სიცხეზეც. იმ დროს, სამხრეთ ევროპის 41% იმყოფებოდა ექსტრემალურ სიცხეში - რეკორდულად ევროპის უდიდესი ტერიტორია იყო ასეთ პირობებში.გავრცელებული ინფორმაციით, ექსტრემალური სიცხე ჯანმრთელობის განსაკუთრებულ რისკს უქმნის ადამიანებს, რომლებიც მუშაობენ გარეთ. ის ასევე საზიანოა ადრე არსებული ჯანმრთელობის მდგომარეობის მქონე ადამიანებისთვის, როგორიცაა გულის დაავადება და დიაბეტი.მაგალითად, გასული წლის ივლისში, იტალიის ზოგიერთ რაიონში დაფიქსირდა 7%-ით მეტი სიკვდილი, ვიდრე ჩვეულებრივ. საერთო ჯამში, მეცნიერთა თქმით, ევროპაში სიცხესთან დაკავშირებული სიკვდილიანობა ბოლო 20 წლის განმავლობაში დაახლოებით 30%-ით გაიზარდა.გასული წელი მსოფლიოში ყველაზე ცხელი იყო რეკორდების დაწყების დღიდან. ევროპა კი ის კონტინენტია, სადაც ტემპერატურა ყველაზე სწრაფად იზრდება.სიცხემ ასევე შეუწყო ხელი წყალდიდობას. ეს იმიტომ ხდება, რომ თბილ ატმოსფეროს შეუძლია მეტი ტენიანობის შენარჩუნება, რაც იწვევს უხვ ნალექს. ამრიგად, გასულ წელს სლოვენიაში წყალდიდობის შედეგად 1,5 მილიონი ადამიანი დაზარალდა.საბერძნეთმა განიცადა ევროკავშირის უდიდესი ტყის ხანძარი და ალპურმა მყინვარებმა დარჩენილი მოცულობის 10% დაკარგეს 2022 და 2023 წლებში.