დედაქალაქის მერიის ინფორმაციით, თბილისის სატრანსპორტო ქსელის რეფორმის ფარგლებში შემუშავდა 10 ძირითადი საავტობუსე დერეფანი, სადაც 12-მეტრიანი და 18-მეტრიანი ავტობუსები ივლიან.

აღნიშნული დერეფნების შესახებ დეტალები თბილისის ავტობუსის სატრანზიტო დერეფნის (TBT ხაზების) პრეზენტაციაზე საზოგადოებას თბილისის მერის მოადგილემ, მაია ბითაძემ გააცნო.

დერეფნების ჩამონათვალი კი ასეთია:

I დერეფანი: ანა პოლიტკოვსკაიას ქუჩა, ვაჟა-ფშაველას გამზირი, ჭავჭავაძის გამზირი, რუსთაველის გამზირი, გორგასლის ქუჩა, ბერი გაბრიელ სალოსის ქუჩა;

 

II დერეფანი: უნივერსიტეტის ქუჩა, ვაჟა-ფშაველას გამზირი, პეკინის გამზირი, რუსთაველის გამზირი, გორგასლის ქუჩა, მოსკოვის გამზირი;

 

III დერეფანი: თამარაშვილის ქუჩა, ჭავჭავაძის გამზირი, რუსთაველის გამზირი, ქეთევან დედოფლის გამზირი, მოსკოვის გამზირი;

 

IV დერეფანი: ჭავჭავაძის გამზირი, თამარ მეფის გამზირი, დადიანის ქუჩა, ხიზანიშვილის ქუჩა;

 

V დერეფანი: ვაჟა-ფშაველას გამზირი, პეკინის გამზირი, რუსთაველის გამზირი, ქეთევან დედოფლის გამზირი, ბერი გაბრიელ სალოსის გამზირი;

 

VI დერეფანი: უნივერსიტეტის ქუჩა, რუსთაველის გამზირი, ქეთევან დედოფლის გამზირი, ჯავახეთის ქუჩა, კუპრაძის ქუჩა;

 

VII დერეფანი: ხიზანიშვილის ქუჩა, გურამიშვილის გამზირი, წერეთლის გამზირი, რუსთაველის გამზირი, გორგასლის ქუჩა, ჯავახეთის ქუჩა;

 

VIII დერეფანი: დემეტრე თავდადებულის ქუჩა, მირიან მეფის ქუჩა, ლუბლიანას ქუჩა, წერეთლის გამზირი, სადგურის მოედანი;

 

IX დერეფანი: დემეტრე თავდადებულის ქუჩა, მირიან მეფის ქუჩა, ლუბლიანას ქუჩა, მარშალ გელოვანის გამზირი, ვაჟა-ფშაველას გამზირი, უნივერსიტეტის ქუჩა;

 

X დერეფანი: ხიზანიშვილის ქუჩა, ლუბლიანას ქუჩა, მარშალ გელოვანის გამზირი, ვაჟა-ფშაველას გამზირი, ქავთარაძის ქუჩა, უნივერსიტეტის ქუჩა;

მაია ბითაძის თქმით,  ამ დერეფნების შემადგენელი გამზირებისა და ქუჩების უმრავლესობაზე საავტობუსე ზოლების („ბასლეინების“) დახაზვა იგეგმება. მისივე განმარტებით ახალი სქემით, ავტობუსის ლოდინის დრო საშუალოდ 7-15 წუთი იქნება, 12 და 18-მეტრიანი ავტობუსებისთვის დიდ დერეფნებზე კი, მაქსიმუმ 10-15 წუთი.

ფოტო: თბილისის მერია