17:12 | 2020-04-15 ავტორი: თეონა ყაჭიური

კორონავირუსი მუტაციას განიცდის და სიმპტომები შემსუბუქებულია – ხათუნა ზახაშვილი

კორონავირუსი მუტაციას განიცდის და სიმპტომები შემსუბუქებულია – ხათუნა ზახაშვილი

დაავადებათა კონტროლის და საზოგადოებრივი ჯანმთელობის ეროვნული ცენტრის გადამდებ დაავადებათა დეპარტამენტის ხელმძღვანელის, ხათუნა ზახაშვილსი თქმით, დღეს კორონავირუსმა მუტაცია განიცადა და კლინიკურად უფრო მსუბუქად მიმდინარეობს.

 

ამის შესახებ მან „საზოგადოებრივი მაუწყებლის“ ეთერში განაცხადა.

 

„მეცნიერები ახლა საუბრობენ, რომ ეს არის ერთი და იგივე ვირუსი, თუმცა შეიძლება ორი ქვეგანსხვავება ჰქონდეს, რომლის ერთ ვარიანტთან მძიმე შემთხვევები იყოს, მეორესთან კი უფრო მსუბუქი.

 

თუმცა ჯერ სამეცნიერო წრეებში ამის სრული მტკიცებულება არ არსებობს“, – აღნიშნა ზახაშვილმა.

 

მისივე თქმით, დეზინფექციის მეთოდიკა კორონავირუსთან მიმართებაში ეფექტურია და ეს მეთოდი ზედმეტი არასდროს ყოფილა.

 

„დეზინფექციის მეთოდიკას მიმართავდა ჩინეთი. ყველასთვის ცნობილია, რომ ჩინეთმა საოცარი ძალები ჩადო ამ დაავადების შეკავებაში.

 

კორონავირუსის გადაცემის მექანიზმი არის იგივე, რაც არის სხვა რესპირაციული ვირუსების, რომელიც ახლა, გაზაფხულის მეორე პიკისკენაა წასული.

 

სადეზინფექციო საშუალებები და დასუფთავების მექანიზმები ერთნაირად ეფექტურია როგორც ყველა ამ ვირუსისადმი, ასევე ახალი კორონავირუსის მიმართ.

 

შესაბამისად დეზინფექცია, გასუფთავება და სისუფთავე არასოდეს ყოფილა ზედმეტი და მჯერა, რომ თუ ამ მეთოდებს მივსდევთ, ჩვენ სხვა რესპირაციული ვირუსების გავრცელებას შევაკავებთ“,- განაცხადა ზახაშვილმა.

 

ასევე, ნახეთ, როგორ მუტაციას განიცდის კორონავირუსი და რა შემთხვევაშია ის საშიში.

 

ბოლო მონაცემებით საქართველოში კორონავირუსის შემთხვევა 306-მდე გაიზარდა. სულ გამოჯანმრთელებულია 69 ადამიანი.

ავტორი: თეონა ყაჭიური

0
კომენატარი - +

X