fbpx
14:14 | 2020-09-17 ავტორი: Prime Time

“ხელისუფლებასთან დაახლოებულმა რომელმა კომპანიებმა ისარგებლეს პანდემიის დროს და სხვა ბიზნესისგან განსხვავებით დახმარება მიიღეს” – გიორგი ვაშაძე სკანდალურ სიას აქვეყნებს

“ხელისუფლებასთან დაახლოებულმა რომელმა კომპანიებმა ისარგებლეს პანდემიის დროს და სხვა ბიზნესისგან განსხვავებით დახმარება მიიღეს” – გიორგი ვაშაძე სკანდალურ სიას აქვეყნებს

„სტრატეგია აღმაშენებლის“ ლიდერი გიორგი ვაშაძე მოქმედი მთავრობის მხრიდან „ფულის კეთების“ სკანდალურ ფაქტებსა და სქემას აქვეყნებს და  იმ ბიზნეს კომპანიებს ასახელებს, რომელთაც დამსხვრეული ოცნებების პარტია რეალურად ეხმარება.  ხელისუფლებასთან დაახლოებულმარომელმა კომპანიებმა ისარგებლეს  პანდემიის დროს და სხვა ბიზნესისგან განსხვავებითდახმარება მიიღეს,  ჩამონათვალს სტრატეგიააღმაშენებელის ლიდერი ასაჯაროებს.

 

 

„ჩვენ წარმოგიდგენთ  მართლაც ძალიან  სკანდალურ და შემზარავ თემას, რომელსაც პირობითად  „გახარიასეული ფულის კეთების  სქემა  ჯიგრულ  პონტში“ დავარქვით. ეს არის მისი ტერმინები და სწორედ ამ ტერმინებით ვესაუბრებით მას. როცა მცირე და საშუალო ბიზნესი, ასევე ტურიზმი არის კატასტროფულ მდგომარეობაში, ვინ დააფინანსა გახარიამ და მისმა გუნდმა?  რეალურად  ვის ეხმარება საქართელოს ხელისუფლება?“ –  განაცხადა ვაშაძემ  და საზოგადოებას იმ კორუფციული პროგრამის სქემა წარუდგინა,  რომელიც სწორედ მოქმედმა მთავრობამ დააანონსა, რომ თითქოს ისინი სულ მალე დაიწყებდნენ  სესხის პროცენტის სუბსიდირებას სასტუმროს მეპატრონეებისთვის. მისივე თქმით, ხელისუფლების იღბლიანთა 500 კომპანიის სიაში ზაქარია ქუცნაშვილი მოხვდა და არა იმ 3 000 კომპანიაში,  ვისაც  დაფინანსებაზე უარი უთხრეს. ასევე ზურაბ ხაჩიძე, საქართველოს ბანკის ის შვილობილი კომპანია “გუდაური ლოჯი”. საქართველოს ბანკს მისივე გაცემული სესხისპროცენტი ბატონმა გახარიამ დაუსუბსიდირა.

 

 

„რეალურად, 4 247 განაცხადი შევიდა სუბსიდირების მოთხოვნით და აბსოლუტურ უმრავლესობას, 3 000-ზე მეტს ბიუროკრატიული მიზეზების გამო უარი უთხრეს. მაშინ ვინ დააფინანსა გახარიამ და მისმა გუნდმა მათი გადაწყვეტილებებით? ბატონი ზაქარია ქუცნაშვილი, ბატონი  ზურაბ ხაჩიძე, რომელიც  სამცხე-ჯავახეთის გუბერნატორის მოადგილეა, სწორედ მათი ბიზნესი მოხვდა იმ 500 კომპანიას შორის და არა იმ 3 000 კომპანიაში, ვისაც უარი უთხრეს. ასევე საქართველოს ბანკის შვილობილი კომპანია „გუდაური ლოჯი“ ანუ გამოდის რომ, საქართველოს ბანკს მისივე გაცემული სესხის პროცენტი სუბსიდირება მოახდინა  ბატონმა გახარიამ. სია საკამოდ დიდია, მათ შორისაა, „ალტიტუდი“, “სევსამორა“, „ყვარელი ედემი“- რომელიც უკვე ყველა სქემაშია გახვეული, „მეგაპალასი“, „მეჯუდა“, „თეთრი ხიდი“- ეს არის ის კომპანიები, რომლებმაც ამის შემდგომ „ქართულ ოცნებას“ შესწირეს უზარმაზარი ფული. ფული, რომელიც უნდა წასულიყო  იმ პროცენტის დასაფარად, რომელსაც ვერ იხდიან სასტუმროები და ამ კომპანიებს გადაერიცხათ. მათ კი, მაგალითისთვის „ყვარელი ედემმა“  235 000 ლარი, სევსამორამ- 317 000 ლარი შესწირა უკვე შესწირა  „ქართულ ოცნებას“ ანუ გამოდის, რომ ბიუჯეტის ფული  მიდის მათთან, ნაწილს იტოვებენ ისინი და შემდგომ ამ ფულს აბრუნებენ „ქართული ოცნების“ საარჩევნო ფონდში.  მოლოდინი ნათელია – ქართულმა ოცნებამ არჩევნებზე ხმები მოისყიდოს. ეს არის მხოლოდ ნაწილი, ჩვენ პერიოდულად გამოვაქვეყნებთ, ჩვენი მხრიდან  ანტიკორუფციული კვლევა გრძელდება. აღნიშნული ფაქტები მიუთითებს იმაზე, თუ როგორი კორუმპირებული ადამიანი ყავს დღეს საქართველოს ხელისუფლებას, “ – განაცხადა გიორგი ვაშაძემ

 

 

 

 

R

ავტორი: Prime Time

0
კომენტარი - +

სხვა სიახლეები

X