21:15 | 2021-09-25 ავტორი: ეკატერინე ზარნაძე

კახა იმნაძე – მნიშვნელოვანია, რომ ოკუპაციის საკითხი ყველაზე მაღალი ტრიბუნიდან ასე მკაფიოდ ჟღერდება

კახა იმნაძე – მნიშვნელოვანია, რომ ოკუპაციის საკითხი ყველაზე მაღალი ტრიბუნიდან ასე მკაფიოდ ჟღერდება

“მნიშვნელოვანია, რომ ოკუპაციის საკითხი ყველაზე მაღალი ტრიბუნიდან ასე მკაფიოდ ჟღერდება”,- ამის შესახებ საქართველოს მუდმივმა წარმომადგენელმა გაეროში, კახა იმნაძემ პრემიერ-მინისტრ ირაკლი ღარიბაშვილის აშშ-ში ვიზიტის შეფასებისას განაცხადა.

 

“დეოკუპაცია არ არის მარტივი თემა, რთული საკითხია. ის, რომ ყველაზე მაღალი ტრიბუნიდან ასე მკაფიოდ ჟღერდება საკითხი, ეს ძალიან მნიშვნელოვანია. გარდა ამ გამოსვლისა, პრემიერს ორმხრივი შეხვედრები ჰქონდა და საგარეო საქმეთა მინისტრ დავით ზალკალიანს ძალიან ბევრი ორმხრივი შეხვედრა ჰქონდა.
ყველა შეხვედრაზე ისმება ოკუპაციის საკითხი და რა თქმა უნდა, ყველა მათგანმა იცის იმ გზავნილების შესახებ, რომელიც პრემიერის მხრიდან გაჟღერდა. ასე რომ, ჩვენ ეს ყველაფერი ერთ საერთო სურათში, ერთ კონტექსტში უნდა დავინახოთ. მუდმივად საჭიროა ესეთი წნეხი, რადგან ერთ დღეში არაფერი არ ხდება. ის, რომ ასეთი გამოსვლა კიდევ ახალი სიმძაფრით აყენებს ამ საკითხს და ყველა უფრო ფოკუსირებული ხდება, ეს ფაქტია, ცხადია და რა თქმა უნდა, ამ მიმართულებით წლის მანძილზე კიდევ გაგრძელდება ამ მიმართულებით მუშაობა შესაბამის დონეებზე”,-განაცხადა კახა იმნაძემ.

 

 

ნახეთ, სხვა მნიშვნელოვანი სიახლეები:

 

 

 

 

 

 

 

 

ავტორი: ეკატერინე ზარნაძე

X

error: Content is protected !!