12:40 | 2020-04-10 ავტორი: თამთა თორდია

ინფიცირებული დედა-შვილი ბათუმიდან ქუთაისში გადაჰყავთ

ინფიცირებული დედა-შვილი ბათუმიდან ქუთაისში გადაჰყავთ

ქუთაისის ინფექციურ საავადმყოფოში კორონავირუსით ინფიცირებულთა რაოდენობა 11–მდე გაიზარდა.

 

ერთი პაციენტი, ასაკოვანი ქალბატონი კლინიკაში თერჯოლის ცხელების ცენტრიდან შეიყვანეს. დღის განმავლობაში კლინიკაში კიდევ ორ პაციენტს, დედა–შვილს ბათუმიდან გადაიყვანენ.

 

ჯამში, დღის ბოლოსთვის ქუთაისის ინფექციურ საავადმყოფოში კორონავირუსით ინფიცირებული სულ 13 პაციენტი იქნება.

 

ბოლო მონაცემებით, ქვეყანაში კორონავირუსის  შემთხვევა 230-მდე გაიზარდა.

 

გამოჯანმრთელდა 52 ადამიანი. კორონავირუსის შედაგად გარდაცვლილია 3 ადამიანი.

 

ქვეყანაში მოქმედებს საგანგებო რეჟიმი. საქართველოს მთელ ტერიტორიაზე ამოქმედდა კომენდანტის საათი.

 

დაიხაურა ყველა სავაჭრო ობიექტი, გარდა სურსათის მაღაზიებისა. დაკატილია აგრარული ბაზრები.

 

აკრძალულია ერთ სივრცეში 3-ზე მეტი ადამიანის თავშეყრა, გარდა აფთიაქებისა.

 

საჯარო და კერძო სამსახურები გადავიდნენ დისტანციურ მუშაობაზე. შეჩერდა მუნიცილაური ტრანსპორტის მოძრაობა.

 

აკრძალვები შეეხო ეკლესიასაც. რის გამოც საქართველოს პატრიარქმა განაჩინა, რომ წირვა-ლოცვა ჩატარდეს ღია ცის ქვეშ.

 

განჩინების მიხედვით, რეკომენდებულია, მრევლი იყოს ეკლესიის ეზოში, ანუ ღია სივრცეში და ასე მიიღოს ლოცვითი მონაწილეობა წმიდა მსახურებაში;

 

მცირე ზომის ტაძრებში დასაშვებია ასევე, წირვა-ლოცვა აღსრულდეს ღია ცის ქვეშ დროებით მოწყობილ ტრაპეზზე;

 

ასევე, იკრძალება ავტომობილით 3-ზე მეტი ადამიანის გადაადგილება.

 

ქვეყანაში საგანგებო რეჟიმის გამოცხადების ფარგლებში, ქორწილებისა და ქელეხების გადახდა აიკრძალა

 

საზღვარგარეთ მყოფი საქართველოს მოქალაქეები სამშობლოში სპეცრეისებით ჩამოჰყავთ. ისინი 14-დღიანი საკარანტინო პერიოდს სპეციალურ სივრცეებში გადიან.

 

კარანტინის წესის დამრღვევი ფიზიკური პირები 3 000 ლარით, იურიდიული პირები კი 15 000 ლარით დაჯარიმდებიან.

 

 

  გაიგეთ მეტი შეზღუდვებსა და რეკომენდაციებზე

 

 

 

 

 

 

 

ავტორი: თამთა თორდია

0
კომენტარი - +

სხვა სიახლეები