17:51 | 2020-02-27 ავტორი: Prime Time

განკურნებული ადამიანები ახლა სხვებს ეხმარებიან – კორონავირუსთან ბრძოლის გმირული მაგალითები ჩინეთიდან

განკურნებული ადამიანები ახლა სხვებს ეხმარებიან – კორონავირუსთან ბრძოლის გმირული მაგალითები ჩინეთიდან

ანალიტიკოსი სამხედრო-პოლიტიკურ და უსაფრთხოების საკითხებში ამირან სალუქვაძე ჩინეთში კორონავირუსის გამო შექმნილ მდგომარეობასა და იმაზე საუბრობს, თუ ვინ როგორ ებრძვის მას. არსებული მდგომარეობის შესახებ ამირან სალუქვაძე სოციალურ ქსელში ვრცელ პოსტს აქვეყნებს.

 

როგორც სალუქვაძე აღნიშნავს, ის დადებითი გამოცდილება, რაც ჩინელებმა კორონავირუსთან საბრძოლველად გამოიყენეს, სხვებისთვისაც სამაგალითოა.

 

„ზოგი რამ, ჩინეთში კორონა ვირუსის წინააღმდეგ ბრძოლის, მოქალაქეების და ბიზნესის დამოკიდებულების შესახებ.

 

ჩინელი ექიმები პირბადეების მრავალსაათიანი ტარების ნაკვალევით.

 

– ექიმებს მთელი ამ ხნის განმავლობაში უწევთ დაუღალავი შრომა, მოქალაქეთა უწყვეტი ნაკადების მომსახურება.

 

– მიუხედავად ეკონომიკური პრობლემებისა კარანტინის და გამკაცრებული ზომების გამო, ჩინეთში არ ყოფილა ფასების ზრდა ან აჟიოტაჟი.

 

– უნდა ნახოთ ერთ კვირაში ტექნოლიგიურად როგორ მაღალ დონეზე ააშენეს ჰოსპიტალი, რომელსაც გააჩნია სპეციალური ფანჯრები პროდუქტების და სხვა საჭირო ნივთების გადასაცემად, ულტრაიისფერი დეზინფექციით და ა.შ.

 

 

– გაუქმებულია 75 ათასზე მეტი ავიარეისი, დაბრუნდა 13 მლნ ავია ბილეთი.

 

– გასაოცარია მრავალმილიონიან ქალაქებში კარანტინის ორგანიზების მასშტაბები, როგორაა სექტორებად დაყოფილი ქალაქები, როგორაა ამ სექტორებში მოქალაქეთა გადაადგილება ორგანიზებული, როგორ დადიან სურსათისთვის, წამლებისთვის და ა.შ.

 

– სექტორების გასასვლელებში მიმდინარეობს შემოწმებები და პირბადის გარეშე არ ატარებენ. პირბადეებით, ფაქტობრივად, ყველა დადის.

 

– აფთიაქში ცხელების წამლების ყიდვის შემთხვევაში, მოქალაქე ვალდებულია აფთიაქს საკონტაქტო მონაცემები მიაწოდოს.

 

– ქუჩებში ძალიან ბევრი პლაკატია კონკრეტული ინსტრუქციებით.

 

– ამანათები ბინებში აღარ მიაქვთ. სახლებთან მოწყობილია სპეციალური ადგილები, სადაც ტოვებენ ამანათებს.

 

– სექტორის დატოვებისას, უნდა მიუთითოთ მიზეზი და მისამართი.

– ტაქსებში მძღოლსა და მგზავრს შორის დამცავი ბადეებია.

 

– ჩინეთის მთავრობამ პოტენციურად დაინფიცირებული 200 მლრდ იუანი გაანადგურა.

 

– ჰოსპიტალების მშენებლობაზე მოსახლეობა ნებაყოფლობით უანგაროდ მუშაობდა, ბევრი საკუთარი მძიმე თუ საშუალო ტექნიკით.

 

– დადგინდა, რომ ვირუსისგან განკურნებული ადამიანის პლაზმა ეფექტური ვირუსის განკურნებისთვის. ჩინეთის საავადმყოფოებთან სისხლის ჩასაბარებლად უკვე განკურნებულ ადამიანთა რიგები იდგა. ისინი ამბობდნენ, მე განმკურნეს, ახლა მე უნდა დავეხმარო სხვას.

 

– ბიზნესს შეღავათებს აძლევენ გადასახადებთან დაკავშირებით.

 

– მობილური ოპერატორები აგზავნიან მესიჯებს: დარჩით სახლებში, ნუ გახვალთ ანგარიშის შესავსებად, თქვენი ანგარიში არ გაითიშება გაზაფხულამდე, გადაიხდით შემდეგ, როცა დავამარცხებთ ვირუსს.

 

ყველაფრის აღწერა შეუძლებელია. დადებითი გამოცდილება შესასწავლია“, – წერს ამირან სალუქვაძე.

ავტორი: Prime Time

0
კომენტარი - +

სხვა სიახლეები

X