fbpx
16:02 | 2020-06-09 ავტორი: მირანდა ტყემალაძე

ფანასკერტელის ქუჩის რეაბილიტაციისთვის 350 000 ლარი დაიხარჯება

ფანასკერტელის ქუჩის რეაბილიტაციისთვის 350 000 ლარი დაიხარჯება

საბურთალოს რაიონში, ფანასკერტელის ქუჩაზე სარეაბილიტაციო სამუშაოები მიმდინარეობს.

საბურთალოს რაიონის გამგეობა-ს ფოტო.

ინფრასტრუქტურული პროექტის ფარგლებში მოეწყობა საფეხმავლო ბილიკი და ჯამში, 15 000 კვ. მ ფართობზე ასფალტის ახალი საფარი დაიგება.

 

საბურთალოს რაიონის გამგეობა-ს ფოტო.

 

ამ დროისთვის, ქუჩის ნაწილზე უკვე დაიგო ასფალტის საფარის ქვედა ფენა. სარეაბილიტაციო სამუშაოებს საბურთალოს რაიონის გამგებელი გაიოზ ვასაძე გაეცნო.

 

„ეს ერთ-ერთი დატვირთული ქუჩაა ავტომობილების გადაადგილების კუთხით, რომელიც დაზიანებული იყო და სწორედ ამიტომ ძალიან მნიშვნელოვანია ფანასკერტელის ქუჩის მოწესრიგება.

 

უახლოეს მომავალში, აღნიშნულ ტერიტორიაზე ადგილობრივი მოსახლეობისთვის და ტრანსპორტისთვის გადაადგილება კომფორტული გახდება“, – განაცხადა გაიოზ ვასაძემ.

 

საბურთალოს რაიონის გამგეობა-ს ფოტო.

 

პროექტის განსახორციელებლად საბურთალოს გამგეობის ბიუჯეტიდან 350 000 ლარია გამოყოფილი. სამუშაოებს კი, კომპანია „ლ. ენდ ლ“ ასრულებს.

 

საბურთალოს რაიონის გამგეობა-ს ფოტო.

ავტორი: მირანდა ტყემალაძე
X