19:36 | 2020-09-18 ავტორი: მირანდა ტყემალაძე

„ეს უფრო დიდი შოკი იყო, ვიდრე ის რომ კოვიდი დამიდასტურდა“ – თეონა ცხომელიძე მიღებულმა შეტყობინებამ შეაშფოთა

„ეს უფრო დიდი შოკი იყო, ვიდრე ის რომ კოვიდი დამიდასტურდა“ – თეონა ცხომელიძე მიღებულმა შეტყობინებამ შეაშფოთა

ჟურნალისტი თეონა ცხომელიძე მისი ჯანმრთელობის მდგომარეობის შესახებ ბოლო ინფორმაციას ავრცელებს:

 

„კარგად ვარ. დღეს პირველი დღეა, როცა ამის თქმა თამამად შემიძლია. არც სიცხე და აღარც განსაკუთრებული ტკივილები. მხოლოდ ხველა მახსენებს რომ კოვიდ-დადებითი ვარ. გემოს ისევ ვერ ვგრძნობ.

 

ერთმა ყოფილმა პაციენტმა მომწერა, მაისში დავამარცხე კორონა და გემო და ყნოსვა ჯერ არ დამბრუნებიაო. მგონი ეს უფრო დიდი შოკი იყო, ვიდრე ის რომ კოვიდი დამიდასტურდა. ალბათ, ამით უნდა ვისწავლო ცხოვრება. სახსრების ტკივილმაც გაიარა თითქმის, მოკლედ ცრუმორწმუნე არ ვარ, თორემ ის მომენტია, ხეზე რომ უნდა დააკაკუნო.

 

პლაქველინი აღარ მიმიღია, მხოლოდ სისხლის გამათხელებელი ნემსი და რაღაც აბები. ინჰალაცია სულ უფრო იშვიათად მჭირდება.

 

დღეს ნინო წაბრძანდა კარანტინში. გული უფრიალებდა წასვლისას სიხარულისგან, ძლივს იდგა ფეხზე. შიშით ხმას ვერ იღებდა, იფიქრებენ ცუდად ვარ და დამტოვებენო – არ დატოვეს, დავრჩი მარტო.

 

დღეს სულ კარგი ამბები უნდა მოვყვე: პატარაც წავიდა კარანტინში, აღარავინ აწვალებს ნემსის ჩხვლეტით. ერთი რომ გვყავდა მძიმე, ისიც კარგად არის უკვე, გამოძვრა. ახლა სხვა არის მძიმედ და ისიც გამოძვრება, სხვანაირად არ შეიძლება. მთელი ღამე დარბიან ექიმები და ექთნები, შეუძლებელია ეს ძალისხმევა ჰაერში წავიდეს.

 

ჩემს საწოლთან ორი ბუშტი კონწიალობს, ჩავიფიქრე, რომ აქედან მათ ჩამოვარდნამდე უნდა წავიდე, ვნახოთ…“, – წერს ცხომელიძე.

Teona Tskhomelidze-ს ფოტო.

შეგახსენებთ, „რუსთავი 2-ის“ ეთერში, 4 სექტემბერს, გადაცემაში ინფიცირებული თაკო ჩარკვიანი იმყოფებოდა, რომელსაც თეონა ცხომელიძესთან ჰქონდა შეხება.

 

ჟურნალისტს 11 სექტემბერს PCR ტესტით ვირუსი დაუდასტურდა. რის შემდეგად, ტელეკომპანიის ყველა იმ თანამშრომელს ჩაუტარდა ტესტი, რომლებსაც ცხომელიძესთან შეხება ჰქონდა, თუმცა მათ ვირუსი არ დაუდასტურდათ.

 

მედიკოსები „რუსთავი 2“-ის თანამშრომლებს ყოველ 48 საათში PCR ტესტებს გაუკეთებენ. 

ავტორი: მირანდა ტყემალაძე

0
კომენტარი - +

სხვა სიახლეები