19:29 | 2020-04-03 ავტორი: მირანდა ტყემალაძე

ეკლესია ყოველთვის იდგა ქვეყნის სადარაჯოზე, მათი როლი ძალიან მნიშვნელოვანია – კალაძე

ეკლესია ყოველთვის იდგა ქვეყნის სადარაჯოზე, მათი როლი ძალიან მნიშვნელოვანია – კალაძე

აღდგომამდე დრო არის დარჩენილი, ჩვენ ვხედავთ რომ ყოველდღიურად იცვლება სიტუაცია, ამიტომ რთულია ამაზე საუბარი.

 

ურთულესი სიტუაციაა, შესაბამისად, რეკომენდაციების გათვალისწინება ყველასთვის არის აუცილებელი, – ამის შესახებ თბილისის მერმა, კახა კალაძემ „იმედის“ ეთერში განაცხადა.

 

„თუ ჩვენ მოგვიწევს იმ მდგომარეობაში გაგრძელება, რაც დღევანდელ მოცემულობაში არის, თუ საგანგებო მდგომარეობა და საკომენდანტო საათი გაგრძელდება, რა თქმა უნდა, ყველა უნდა დავემორჩილოთ კანონს.

 

იმიტომ, რომ საუბარია თითოეული ჩვენგანის ჯანმრთელობის უსაფრთხოებაზე. ხშირად ადამიანი ვერ აღიქვამს რეალობაში, თუ რასთან გვაქვს საქმე.

 

ჩვენ ვებრძვით იმას, რასაც ვერ ვხედავთ. ეს არის ვირუსი, რომელიც არის მკვლელი.

 

ნახეთ, რა ხდება მსოფლიოში, მილიონს გადააჭარბა ინფიცირებულების რაოდენობამ, უამრავი ადამიანი იღუპება ყოველდღიურად.

 

კატასტროფა ხდება ამ მიმართულებით. შესაბამისად, ჩვენ ერთმანეთს უნდა გავუფრთხილდეთ. დღეს გვჭირდება განსაკუთრებული ყურადღება ისე, როგორც არასდროს.

 

მე საპატრიარქოს ოფიციალური განცხადება მოვისმინე და მივესალმები მათ მიდგომას და ამ რაციონალურ დამოკიდებულებას. ეკლესია ყოველთვის, როცა ამის საჭიროებაა, ისტორიას თუ გადავხედავთ, ყოველთვის იდგა ქვეყნის სადარაჯოზე.

 

შესაბამისად მე დარწმუნებული ვარ, ეს ასე იქნება დღესაც. ხვალაც, მომდევნო წლების განმავლობაშიც.

 

მათი როლი არის ძალიან მნიშვნელოვანი ჩვენს ცხოვრებაში, ჩვენ მორწმუნე ხალხი ვართ. თუმცა, კიდევ ერთხელ ვიმეორებ: ყველამ უნდა დავიცვათ ჩვენი ჯანმრთელობის უსაფრთხოება.

 

დღეს ყველა ვართ განსაკუთრებულ მდგომარეობაში და არის ურთულესი სიტუაცია. შესაბამისად, ამ რეკომენდაციების გათვალისწინება ყველასთვის არის აუცილებელი და მნიშვნელოვანი“, – განაცხადა კალაძემ.

 

ავტორი: მირანდა ტყემალაძე

0
კომენტარი - +

სხვა სიახლეები

X