fbpx
01:20 | 2020-10-31 ავტორი: Prime Time

„დიდი გამარჯვების დღეა!“ – ყველაზე „მუშა“ მოწოდება და საარჩევნო წინასიტყვაობა „გამარჯვებაზე“

„დიდი გამარჯვების დღეა!“ – ყველაზე „მუშა“ მოწოდება და საარჩევნო წინასიტყვაობა „გამარჯვებაზე“

ქვეყანაში წინასაარჩევნო კამპანია დასრულდა. პოლიტიკურმა პარტიებმა მხარდამჭერებთან ბოლო შემაჯამებელი შეხვედრები დაასრულეს და ტრიბუნებიდან მხარდაჭერისკენ მოუწოდეს.

 

გამარჯვებაში ყველა ლიდერი დარწმუნებულია, თუმცა, მხოლოდ ხვალ, 20:00 საათის შემდეგ გახდება ცნობილი, ვის ანდეს ხმათა უმრავლესობა ჩვენმა მოქალაქეებმა.

 

გთავაზობთ პოლიტიკური პერტიების ლიდერების მოწოდებებს:

 

„ქართული ოცნება – დემოკრატიული საქართველო“

 

ირაკლი კობახიძე: ხვალინდელი დღე არის „ქართული ოცნებისა“ და ქართველი ხალხის მორიგი გამარჯვების დღე;

 

კახა კალაძე: ხვალ, დიდი გამარჯვების დღეა, გამარჯვებისა შუღლზე, ბოროტებაზე, ერთმანეთისგან გაუცხოვებაზე;

 

არჩილ თალაკვაძე: საქართველოს წინსვლას ვერავინ შეაჩერებს და ხვალ ჩვენ ლევან კობიაშვილთან ერთად გავიმარჯვებთ სამართლიან არჩევნებში;

 

„ერთიანი ნაციონალური მოძრაობა“

 

ნიკა მელია: ხვალ ცრემლიანი გამარჯვებულები ვიქნებით;

 

მიხეილ სააკაშვილი: საქართველო მზად არის გამარჯვებისთვის და 31 ოქტომბერს გათავისუფლებისთვის;

 

„სტრატეგია აღმაშენებელი“

 

თაკო ჩარკვიანი: ხალხის დიდი რაოდენობა მივა არჩევნებზე; მერწმუნეთ, ზუსტად ვიცი, დავდივარ მთელი ზაფხული ჩაუმუხლავად;

 

გიორგი ვაშაძე: ხვალ აღმშენებლობის გასაღები თქვენ ხელშია, როგორც ამ ტრაქტორს მოვქოქავ, ასევე მოვქოქავ ქვეყანას. მოდით არჩევნებზე!;

 

„ლელო“

 

მამუკა ხაზარაძე: ხელისუფლებაში უნდა მოვიდეს ახალი ძალა „ლელოს” სახით!;

 

გირჩი

 

იაგო ხვიჩია: ხვალ გვაქვს შანსი ერთპიროვნული მმართველობა დავამთავროთ

 

„ლეიბორისტული პარტია“

 

შალვა ნათელაშვილი: ხვალ გველოდება დიდი დიდგორი, სადაც აუცილებლად უნდა გავიმარჯვოთ

 

„ევროპული საქართველო“

 

დავით ბაქრაძე: უნდა ვუთხრათ არა ოცნებას, შემოვხაზოთ „ევროპული საქართველო“ და ყველამ ერთად წავიყვანოთ ეს ქვეყანა წინ;

 

გიგა ბოკერია: ჩვენ უნდა შევცვალოთ ხელისუფლება, მოვიტანოთ ქვეყანაში ცვლილებები, მაგრამ წარსულში არ უნდა დავბრუნდეთ, როგორც ეს სააკაშვილის გუნდს სურს

 

გიგი უგულავა: ვფიქრობ, რომ მეორე ტურში მე მომიწევს ბატონი ჩიქოვანის დამარცხება

 

ეს ყველაფერი, რაც ზემოთ შემოგთავაზეთ პოლიტიკოსების სურვილებია მხოლოდ. სინამდვილეში კი არჩევნებს, როგორც წესი, ნამდვილად ჰყავს გამარჯვებული და ეს უმრავლესობის ნებაა.

 

ავტორი: Prime Time

0
კომენტარი - +

სხვა სიახლეები

X