fbpx
11:19 | 2020-10-08 ავტორი: Prime Time

ჩვენი ექიმების მორიგი წარმატება- ოკუპირებული აფხაზეთიდან გადმოყვანილი 12 დღის ჩვილი გადაარჩინეს

ჩვენი ექიმების მორიგი წარმატება- ოკუპირებული აფხაზეთიდან გადმოყვანილი 12 დღის ჩვილი გადაარჩინეს

ქართველმა ექიმებმა ოკუპირებული აფხაზეთიდან გადმოყვანილი 12 დღის ჩვილი გადაარჩინეს, რომელსაც თანდაყოლილი ანომალია აღმოაჩნდა და უმძიმეს მდგომარეობაში სიცოცხლისთვის იბრძოდა. ამის შესახებ აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრი, ქეთევან ბაკარაძე სოციალურ ქსელში წერს.

 

როგორც იგი ამბობს, ჩვილს ურთულესი ოპერაცია ჩაუტარდა, რის შემდეგაც იგი მშობლებს დაუბრუნეს.

 

„ექიმობა რომ ყველაზე ჰუმანური პროფესიაა და რეალურად ერთეულთა ხვედრია, ჩემი ყოველდღიური რუტინა ამ აქსიომას მიმყარებს, თუმცა, არის პროფესიონალიზმსა და ვალდებულებაზე გაცილებით მეტი, რასაც ღვთისნიერება და კეთილშობილება ჰქვია, ასეთ საოცარ ადამიანებზე დგას ეს სამყარო…

 

სიმსივნით დაავადებულ ქართველ გოგოს საფრანგეთიდან ექიმი გამოჰყვა, რომელმაც გზაში მაკიაჟი გაუკეთა და შვილებს ისე აჩვენა - სულისშემძვრელი ისტორია 
2020-10-08სიმსივნით დაავადებულ ქართველ გოგოს საფრანგეთიდან ექიმი გამოჰყვა, რომელმაც გზაში მაკიაჟი გაუკეთა და შვილებს ისე აჩვენა - სულისშემძვრელი ისტორია 

 

ოკუპირებული აფხაზეთიდან 12 დღის ჩვილს, რომელსაც თანდაყოლილი ანომალია აღმოაჩნდა და უმძიმეს მდგომარეობაში სიცოცხლისთვის იბრძოდა, გადაუდებელი დახმარება ესაჭიროებოდა.

 

სხვადასხვა გარემოების გამო, პატარა პაციენტი მარტო, მშობლებისა და თანმხლები პირის გარეშე უნდა წამოგვეყვანა.

 

ეს უდიდესი პასუხისმგებლობა, პანდემიით გამოწვეული რთული ვითარების მიუხედავად, ჩვენთან ერთად უყოყმანოდ გაიზიარა ბატონმა ივანე ჩხაიძემ, იაშვილის სახელობის ბავშვთა ცენტრალური საავადმყოფოს ხელმძღვანელმა.

 

ურთულესი ოპერაცია ჩაატარა ბრწყინვალე ქირურგმა, ბატონმა ზვიად ბულისკერიამ და უკვე პოსტოპერაციული პერიოდიდან გაწერამდე ჩვენი ბიჭუნა განუმეორებელი ნინო სოლომონიას აქტიური პატრონაჟის ქვეშ გადავიდა, რომელმაც უდიდესი ენერგია და სიყვარული ჩააქსოვა, რომ სამკვირიანი ბრძოლა გამარჯვებით დასრულებულიყო და ასეც დასრულდა.

 

დღეს გამოჯანმრთელებული პატარა მშობლებს დაუბრუნდა, რომლებიც უსაზღვროდ ემადლიერებიან საქართველოს ცენტრალურ ხელისუფლებას, ქართულ ჯანდაცვას და ამ საოცარ და მართლაც ღვთისნიერ ექიმებს; ივანე ჩხაიძე, ზვიად ბულისკერია, ნინო სოლომონია, მადლობას გიხდით და ქედს ვიხრი თქვენს წინაშე. ეს არის ქართული მედიცინის მორიგი წარმატება და კიდევ ერთი ნაჩუქარი სიცოცხლე“,- წერს ქეთევან ბაკარაძე.

ავტორი: Prime Time

0
კომენტარი - +

სხვა სიახლეები

X