11:40 | 2020-09-09 ავტორი: ალექსი ქამადაძე

ჩემი რაგბის კარიერა დღეს დასრულდა! – დავით კაჭარავა

ჩემი რაგბის კარიერა დღეს დასრულდა! – დავით კაჭარავა

საქართველოს მორაგბეთა ნაკრების ერთ-ერთმა ლიდერმა დავით კაჭარავამ კარიერა დაასრულა. ამის შესახებ თავად მორაგბემ სოციალურ ქსელში დაწერა.

 

დავით კაჭარავამ ნაკრებში ჩატარებული 122 მატჩიდან 104 სასტარტოში დაიწყო, მან 25 ლელო გაიტანა და ნაკრებს 125 ქულა მოუტანა. 79 შემთხვევაში მან მოედანი გამარჯვებულმა დატოვა. ეროვნულ გუნდთან ერთად ნაკრების მეცამეტე ნომერმა ოთხ მსოფლიოს თასზე ითამაშა.

 

ბავშვი, რომელიც კოვიდინფიცირებულმა დედამ გააჩინა, სრულიად ჯანმრთელია
2020-09-09ბავშვი, რომელიც კოვიდინფიცირებულმა დედამ გააჩინა, სრულიად ჯანმრთელია

 

„გამარჯობა! დადგა დღე რომელიც ჩემთვის ძალიან ემოციურია! დღე როდესაც ჩემი რაგბის კარიერა დასრულდა! როგორც სანაკრებო ასევე საკლუბო. მინდა მადლობა ვუთხრა ჩემს გულშემატკივრებს რომლებიც მუდმივად გვერდში მედგნენ, როგორც წარმატებულ ასევე ყველაზე მძიმე პერიოდშიც. მადლობა ჩემს ოჯახის წევრებს, მეგობრებს ხელშეწყობისთვის!

 

მადლობა რაგბის ფედერაციის ყველა თანამშრომელს ვინც წლების მანძილზე თავისი შრომით, ერთი აგურის დადებით მაინც შეიტანა წვლილი რაგბის განვითარებაში. მადლობა კლუბ ყოჩებს, მის პრეზიდენტს გუგა გეგენავას, მადლობა მწვრთნელებს!

 

განსაკუთრებული მადლობა ნუგზარ მალაღურაძეს, მისი მწვრთნელობის პერიოდში მოხდა ჩემი ძირითადი ფასეულობების ჩამოყალიბება.

 

მეამაყება რომ მრავალი წლის მანძილზე ერთ-ერთი ყველაზე წარმატებული გუნდის, საქართველოს მორაგბეთა ეროვნული ნაკრების წევრი ვიყავი. მადლობა ეროვნული ნაკრების ყველა მოთამაშეს ვის გვერდშიც მითამაშია.

 

მადლობა რაგბს, მადლობა საქართველოს, იმისთვის რომ მენდო, იმისთვის რომ მომცა შანსი მისი წარმატებისთვის მებრძოლა. რაგბმა ბევრად მეტი მომცა ვიდრე მე დავუბრუნე! მე ყოველთვის მორაგბედ და მორაგბეების გულშემატკივრად დავრჩები….

 

თქვენს გვერდში ვიქნები ბიჭებო რითიც და როგორც შემეძლება…. წარმატებას ვუსურვებ ქართულ რაგბს! რაგბი ჩვენი თამაშია! მადლობა“, – წერს დავით კაჭარავა.

 

📌გამარჯობა! დადგა დღე რომელიც ჩემთვის ძალიან ემოციურია! დღე როდესაც ჩემი რაგბის კარიერა დასრულდა! როგორც სანაკრებო ასევე…

Posted by Davit Kacharava on სამშაბათი, 08 სექტემბერი, 2020

 

 

ავტორი: ალექსი ქამადაძე

X