19:46 | 2020-12-21 ავტორი: Prime Time

ავტომობილში მისი 6 წლის შვილიც იმყოფებოდა, ბავშვს გადაეფარა… – ვინ არის დღეს უმძიმეს ავარიაში გარდაცვლილი 28 წლის ორსული

ავტომობილში მისი 6 წლის შვილიც იმყოფებოდა, ბავშვს გადაეფარა… – ვინ არის დღეს უმძიმეს ავარიაში გარდაცვლილი 28 წლის ორსული

დღეს ოზურგეთი-ქობულეთის ცენტრალური გზის სოფელ გვარას მონაკვეთზე მომხდარი ავტოსაგზაო შემთხვევის შედეგად გარდაცვლილი ორსული ქობულეთში მცხოვრები 28 წლის თიკო-ზეინაბ შაინიძეა.

 

როგორც “პრაიმტაიმთან” საუბრისას გარდაცვლილის ახლობლები აცხადებენ, ავტომობილში მისი 6 წლის შვილიც იმყოფებოდა, ბავშვს გადაეფარა და თვითონ მძიმედ დაშავდა.

 

“ქობულეთიდან ბათუმში მიდიოდნენ. საჭესთან ზეინაბის მეუღლე იჯდა. ასევე ავტომობილში იყო მისი მამა და 6 წლის ბავშვი. მეუღლე და მამა არ დაშავებულან. თვითონ თითქმის ცხრა თვის ორსული იყო, შვილს გადაეფარა და მძიმედ დაშავდა. ბავშვი ამჟამად ბათუმის დედათა და ბავშვთა ცენტრში იმყოფება გამოკვლევებზე. რამდენადაც ჩვენთვის ცნობილია, საპირისპიროდ გადაჭარბებული სიჩქარით მოძრავი ავტომობილი შეეჯახათ”- განაცხადა გარდაცვლილის ნათესავმა.

 

შეგახსენებთ, შემთხვევა დღეს ქობულეთის მუნიციპალიტეტის სოფელ გვარას ცენტრალურ გზაზე მოხდა. შემთხვევის შედეგად ერთი ადამიანი, ზურა ბერიძე, ადგილზე დაიღუპა. მოგვიანებით კი საკეისრო კვეთის დროს გარდაიცვალა დაშავებული ფეხმძიმე ქალი, რომელსაც სიცოცხლისთვის შეუთავსებელუ ტრავმები ჰქონდა მიღებული. ვერ მოხერხდა ნაყოფის გადარჩენაც.

 

ავტორი: Prime Time


X