19:17 | 2020-04-02 ავტორი: თამთა თორდია

აჭარაში კორონავირუსით დაინფიცირებული პირველი პაციენტი გამოჯანმრთელდა

აჭარაში კორონავირუსით დაინფიცირებული პირველი პაციენტი გამოჯანმრთელდა

აჭარაში კორონავირუსით დაავადებული პირველი პაციენტი გამოჯანმრთელდა. ამის შესახებ აჭარის ჯანდაცვის მინისტრმა ზაალ მიქელაძემ განაცხადა.

 

პაციენტს ყველა საჭირო პროცედურა ჩაუტარდა, როგორც ბათუმის ინფექციურ საავადმყოფოში, ასევე „მედალფას“ კლინიკაში.

 

მას კორონავირუსის ტესტი ორჯერ ჩაუტარდა, ორივეჯერ პასუხი უარყოფითი იყო, რაც იმას ნიშნავს რომ პაციენტი ბინაზე გაეწერა.

 

„პირველი ინფიცირებული პაციენტი განკურნებულია, მას გუშინ ჩაუტარდა კვლევა, რამაც აჩვენა, რომ ინფექცია აღარ აღენიშნებოდა, განმეორებით კვლევამაც იგივე აჩვენა, დღეს მოვიდა უარყოფითი პასუხი.

 

მედიკოსების რეკომენდაციით ის ბინაზე გაეწერა, სადაც რამდენიმე დღე თვითიზოლაციაში გაატარებს“,-განაცხადა ზაალ მიქელაძემ.

 

ცნობისთვის, აჭარაში კორონავირუსის პირველი შემთხვევა 15 მარტს დადასტურდა.

 

ინფიცირებული საქართველოს მოქალაქე იყო.

 

ახალგაზრდა ქალს საზღვარგარეთ მოგზაურობის ისტორია აქვს. იგი აეროპორტიდან კარანტინში იქნა გადაყვანილი სადაც მაღალი ტემპერატურა დაუფიქსირდა.

 

 

ბოლო მონაცემებით, ქვეყანაში კორონავირუსის 130 შემთხვევაა დაფიქსირებული.

 

 

 

 

 

 

 

  • მთავრობის გადაწყვეტილებით, საქართველოში სასურსათო მაღაზიების, ბენზინგასამართი სადგურების, კვების ობიექტების, ღია საკოლმეურნეო ბაზრების და აფთიაქების გარდა ყველა სავაჭრო ობიექტი დაიხურა.

 

 

 

 

 

წაიკითხეთ და გაითვალისწინეთ საჭირო რეკომენდაციები

 

 

 

 

 

 

ავტორი: თამთა თორდია

0
კომენტარი - +

სხვა სიახლეები

X